Mizoram State Project Monitoring Committee Annual Report 2024-25 nimina tlangzarhtu chief minister chuan, Project Monitoring Committee te hnathawh tawh chin chu a tha tawk hle tiin a sawi a.
MSPMC member secretary-in annual report chungchang a sawifiah dan chuan, bihchian ngai zual nia an hriatte zirchiangin a hmunah an kal chilh a. Kum 2024-25 chhunga project 47 an tlawh zinga 42 chu annual report-ah dah a ni, tiin a sawi bawk.
Project monitoring committee annual report chungchang hriattur a awm hi hmasawnna rahbi thar pakhat chu a ni awm e. Chutih rualin, kum khat chhunga project an tlawh 47 zinga project panga te eng vanga annual report-a tel ve ta lo nge a nih sawifiahna hmuh tur a awm lo thung.
Chief minister-in project monitoring committee hnathawh dan chu ‘a tha tawk’ tia a sawi laiin, an endik project hnate chu ‘a tha vek’ tih emaw, ‘a tha tlangpui’ tih emaw tala comment erawh hriattur a awm lo thung.
Annual Report bua lang project endikte hi: Social Sector-ah project pariat; Education Sector-ah project sawm; Health Sector-ah project pariat; Communication (Road & Bridges) ah project pasarih; Veterinary Sector-ah project pakhat; Fisheries-ah project pakhat; Sports-ah project panga; Public Health-ah project pakhat leh, Agriculture Sector-ah project pakhat a ni.
Hengte hi ‘bihchian ngai zual nia an hriatte’ a ni a; an bihchian hnuah hian heng project 47 zinga panga chu ‘rin ang ngeiin’ a lo tha vak lo nge ni dawn ni, annual report-a awm tlak lovah ngaiin an dah tel ve ta lo niawm tak a ni. Annual report-ah hian project panga dah tel a nih ve loh chhan hi ‘interesting’ ber tura ngaih a ni a, chu chu mipui hriata pholan awm tak pawh a ni awm e. Chief minister-in ‘tu mah hlau suh u’ tia committee member-te a fuih laiin, anni lam hian hlauh neiin project pangate hi an tarlang ngam ve ta lo nge maw ni dawn ni!?
Project monitoring hnathawh a \ha; mahse….
