Daily Newspaper

PSG an tlawm nghal

31

French Ligue 1 champion Paris St-Germain chuan ninga zan khan Ligue 2020-21 season-a an match hmasa ber an khel a, chhe taka bul tanin kaithar Lens lakah si khat faiin an tlawm nghal ringawt.

Champion lai PSG hian khualmualah kaithar Lens an tlawh a, khualmuala inkhel hmachhawn mah nise awlsam taka chak thei tura ngaih an ni. An player tha pasarih ngawt awm loh a lang hle a, khualmualah rin phak bakin an khel chhe ta thung. He inkhelah hian chawlhlawk hmain goal lut a awm thei lo phawt a, goal awm lova chawlhlawk thleng an awm thei hi Lens tan result tha a tling tawh a, PSG tan chet chhiatna a tling ve thung.

Second half-ah khawvel barakhaihtu a thleng ta tlat thung. Minute 57-naah Ignatius Ganago chuan PSG si nghak Marcin Bulka chesual hremin, goal a thun a, hmahruaina goal a thun. UCL final an khelh vangin PSG hian player chawlh la mek an la nei nual a, an player pawimawh Kylian Mbappe chu Covid 19 hripui a kai vangin chhawr theih a la ni lo bawk a, an si nghak Bulka pawh hi an third-choice goalkeeper a ni. PSG hian hun tawp thlengin an si phurh an sut thei lova, season thara Ligue-1 an khelh hmasak berah tlawmin chhe takin bul an tan a. Champion lai meuh an hneh nghal vangin Lens erawh chuan tha chungchuang takin bul an tan ve thunga, mipui 5000 pungkhawm hmaah hnehna ropui an lawm.

Champions League final an khelhna a la rei loh vangin PSG leh Lens intum hun tur hi sawn hlat a ni a, sawn hlat a ni chung pawhin an player tha pasarih ngawt an inlan thei lo cheu a, Mbappe, Neymar, Marquinhos,Angel di Maria leh Mauro Icardi te Lens lakah hian a inlan lo vek. PSG hian nak zan khian inkhel an hmachhawn zui leh nghal dawn a, an mualah Marseille an mikhual ang.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy