Daily Newspaper

PSG chak loh chungchangah tunge dem tur?

6

An club chanchina Champions League final an khelh hmasakber tumin Pathianni zanah Bayern Munich hneh loin Paris Saint-Germain an tl^wm a, an hmat^wng hriam pahnih Neymar leh Kylian Mbappe-te chefuh zo lo kha an hlawhchham chhan bulpui chu a ni phawt mai a, PSG hmat^wng pahnih hi Ronaldo leh Messi-te nen huang khata khung chi an la ni lo deuh tihna em ni’ang?

Lisbon khaw final-ah French champion khan vawi duai lo an hun tha neih an bawhpelh a, second half-ah kum 2014-a free agent-a Juventus lama an chhuahtir, a hnua Germany lama kal zui leh ta, an youth academy graduate hlui Kingsley Coman chuan a club hlui tahna thlentu goal a tauhlut a, Paris club-in Arab sumbawm an tawmpui tan atanga an beisei lian ber Champions League trophy chu kum dang atan an nghah leh rih phawt a ngai dawn.

Inkhelh ban news conference-ah PSG coach Thomas Tuchel chuan an thlen chin atanga hmasawn an tul thu sawiin, “Tun season chhunzawm tur hian team ropui kan dinchhuah ngei a ngai dawn a, (sporting director) Leonardo leh chutiang team siamchhuak thei tur mi pawimawhte pawh ka bekual ngei ang,” a ti.

Tuchel hian theihtawp an chhuah tih sawiin, an fight ve chiang a, khelmual chhungah an engkim an hlan a, result erawh an thunun theih piahlam a nih thu tarlang chungin goal lut hmasa ber kha final hriltu tur a nih a rin l^wk thu leh lungngai tho bawk mah se a lungngai uchuak lo tih a sawi a, an chak teuh takzet tih a sawilang tel.

“Chak tur khan engnge kan mamawh” Goal hmasaber maw le. Goal khung hmasa zawk chu ni ngat ila 1-0 khan kan chak ve ngei ngei ang,” tiin a ngaihdan a sawi.

Tarlan t^k angin, an strikeforce – Neymar leh Kylian Mbappe goal thun zo lo kha PSG-in Champions League final an khelh hmasakber tuma an chak zawh loh chhan kha a ni ber mai a; Paris hmat^wng pahnih man belhkhawm kha euro maktaduai 400 (USD 471.80 million) tehreng niin, Lisbon khaw ‘Final Eight’ tournament-ah khan an pahnih ‘shot’ belhkhawm chu 23 tehreng tling mah se goal khat pawh an tilut zo lo ve ve a, anni berin goal an khung zawh loh chuan PSG tan ngak ngaihna a awm lo a ni ber e!

German coach Tuchel chuan a hmat^wng pahnih demna a sawichhuak duh lo a, Neymar chuan ropui taka tournament a khelh thu leh engkim tithei a nih bik loh thu a sawi a, French striker thlavang hauh zui nghalin:

“July thlaa serious taka a kheimit a tihnat hnua Mbappe kan chhawr leh thei mai hi thilmak a ni tawh hrim hrim,” a ti.

Tuchel hi amah kawmtu media mite’n season thara a hna ngai a chelh zui dawn leh danw loh an zawt nghal a, “Contract nei lai ka ni, chu zawng chu ka sawi theih a ni,” a ti deuh hmak.

Midfielder Marquinhos pawhin an manager ngaihdan tawmpuiin, “Team kan ni a, kan duh ang result kan hmuh lohah mimal dem ngawt theih a ni lo. He team hi kan chhuang hle tur zawk a ni,” tiin mawhpuh tur zawnkual a tul loh thu a sawi ve bawk.

Pathiannia an pawlte chak loh hnu khan Paris Saint Germain fans lungawi lo chu French Riot Police-te nen an intawng nasa mai a; fans lam hian Paris police-te beiin, dawr an suamsam bawk a, police 16 laiin hliam an tuar a, dawr 12 zetin beih an t^wk tih Thawhtanni khan French Interior Minister Gerald Darmanin chuan Twitter kaltlangin a sawi.

PSG supporter tengemawzat PSG khelmual Parc des Princes stadium kawtah pungkhawmin, police motor-te chu an hmanraw hmuh ang angin an vawm a, police lam hian lungawi lote hnawhdarhna’n tear gas an hmang hial tih social media lama video footage an phochhuahah hmuh tur a awm.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy