Daily Newspaper

PSG kutah French Cup a lut

30

Zirtawpni zan Coupe de France final-ah Paris St Germain chuan hun tam zawk player 10-a khel St Etienne lakah 1-0 hnehna changin, tun season-a title pali an l^k theih zinga pahnih a hmin.

French Cup hnehna an chan hm^ hian hripui avanga season tihtawp a nih hnuah PSG hi Ligue 1 champion-a puan an lo ni tawh a, trophy lian beisei tur pahnih la neiin, July ni 31 hian French League Cup final-ah Lyon an tum leh dawn a; August ni 12 khian Champions League quarter-final match-ah Italian club Atalanta an su zui leh dawn a, an tlang a nih chuan August 18-19 chhunga khelh tur Champions League semi-final lamah an inlan chhunzawm ang a, final hi August ni 23-a khelh tur a ni.

Hripui avangin kumin April thla khan season la zawh fel loh Ligue 1 chu tun season atan tihtawp a ni a, Zirtawpni French Cup final kha hripui len hnua France rama inkhel hmasaber niin, he ramah hian covid-19 chu ziaawm hlek tawh mah se hriselna leh himna kawngah khauh taka inkaihhruaina kalpui chhunzawm zel a la ni a, mipui 80,000 lenn Stade de France-ah pawh mipui luh chiam an la remti lo a, fans vannei zual 5,000 erawh stadium chhungah luhtir an ni a, chu’ngho chuan Paris chak lai an thlirliam.

He inkhela goal lut awmchhun leh PSG chakna goal ni zui ta hi first half minute 14-na leka Brazilian Neymar-a tihluh niin, he goal-ah hian Paris forward dang Kylian Mbappe chu th<k takin a inrawlh a, Frenchman hi f^l taka dawkchhuak zawtin, a shot kawh tha zet chu St Etienne goal-keeper Jessy Moulin chuan a dansak zet a, ball perl>t chu Neymar hmingthatna thlentu a ni zui ta a ni.

Darkar chanve an khelh tlin hm^ lawkin Mbappe chu na zetin Loic Perrin chuan a kalhtlu a, St Etienne captain hi hnawh-chhuah niin, he thil thleng avanga inb>ngberek buaina avangin player dang pali chu yellow card hmanga thunun an ni.

Inkhel tan hmain French President Emmanuel Macron chuan khelmual chhungah final khel tur player-te a hmu a, mahse, hla d>rh d^wrh atangin chibai b<kna a hlan a, hmaikawr a vuah thlap bawk.

Nikum French Cup final penalty petah Stade Rennes hneh loin PSG hi an tl^wm a, kuminah chuan an chak ta tih head coach Thomas Tuchel chuan sawi chungin a tir phat atanga St Etienne khelh danah a lungawi lo tih a tarlang tel a, a player pathum Thilo Kehrer, Neymar leh Mbappe an tihnat dan kha thinrimthlak a tih thu a sawichhuak.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy