Mizoram Legislative Assembly-a Committee on Public Sector Undertakings chuan Thawhtanni khan chief minister Lalduhoma an kawm a. Mizoram sawrkar hnuaia public sector undertakings pali chungchanga an thil hmuh an sawipui.
Chief minister chuan Assembly Committee hrang hrangin Assembly-ah report an thehlut thin a. Committee on PSU-in report an thehluh hmaa an zirchianna behchhana an thil hmuh an sawipui hmasa chu bengvar a tih thu a sawi. “Kalphung tha zawk tur rawtna in rawn neih ngei ka beisei a. In recommendation hi House-ah thehlut thuai ula, a rang lama tihhlawhtlin kan duhin ka ring,” tiin, an rawtna pawm a harsat a rin loh thu a lo hrilh.
Committee on PSUs chairman H Ginzalal chuan ZOHANDCO, MIFCO, MAMCO leh ZIDCO kalpui zel dan tura Committee-in an rawtna a neih tlangpui a sawi a. State dangah an zin a, an kal dan an zir a. An thil zir atanga ram tana tha ber tur nia an hriat report an siam a, House-a thehluh thuai a ni dawn tih a sawi a ni.
PSU pali kal zel dan turah House-ah rawtna thlen dawn
