Daily Newspaper

PUBG thlak nan FAU-G

12

India sorkarin PUBG Mobile leh PUBG Mobile Lite-te chu India-ah khelh theih loh tura a banned tak avangin he game khel thin te tan India kut chhuak game thar FAU-G aka Fearless and United Guards a tlangzarh ve leh dawn a, he game thar tur hi Twitter lamah Bollywood actor Akshay Kumar-a’n a vawrh lar tan ta a, game an tlangzarh hun tur erawh an la puang lo.

FAU-G hi Bengaluru a hmunpui nen mobile game siamtu nCore games leh Indian game industry veteran Vishal Gondal te siam a ni a, PUBG Mobile thlak nana an tih a ni deuh ber. FAU-G hi Fearless and United-Guards tih lamtawi a ni a, he game atanga an sum hmuh 20% chu Bharat Ke Veer kaltlangin sorkar-ah an chhung lut vek dawn niin an sawi.

Entrepreneur Vishal Gondal hi fitness wearable GOQii CEO niin, ani pawhin FAU-G chungchang hi Twitter kaltlangin a puang ve tawh bawk. Gondal hi 1999 a India games dintu a ni a, 2011 khan Disney-ah a hralh leh ta a, nCore Games-ah hian nikum March thla khan sum thahnem tham tak a invest ve leh ta bawk a ni.

Gondal bakah Bollywood actor Akshay Kumar pawh hi FAU-G hi tihlar tumin a tweet a, game thawnthu kalhmang tur ni awm tak poster a tweet ve bawk.
FAU-G hi India sorkarin PUBG Mobile leh PUBG Mobile Lite bakah mobile apps dang China nena inzawmna nei ni a sawi 116 vel zet a banned hnu lawkah an puang a, PUBG hi India-ah chuan thalai mobile gamer zinga game khelh nasat ber pawl a ni a, he game sorkarin a banned pawh hian sawi a hlawh hle a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy