Pachhunga University College chuan an zirlai kal chhuak tur, class of 2024 batch tan Ningani khan Graduation Dinner an buatsaih. Kumin hi a tum 17-na a ni.
Zirlai kalchhuak tur aiawhin Lalnunpuii Hlawndo chuan thu a sawi a. PUC Music Club leh PUC Dance Club ten special item an nei.PUC principal Prof H Lalthanzara chuan zirlai kalchhuak turte fuihna thuchah a sawi a. An zir zelna turah thiamna hman tlak nei tur leh Mizo hnam tana chhenfakawm ni a, ram tana an thiamna leh theihna hlan let theuh turin a sawm a ni.
PUC zirlai kalchhuak tur an thlah, Class of 2024-ah hian zirlai 972 an awm a. PUC-ah hian tun dinhmunah UG course hrang hrang 23 leh PG course 5 zir theih niin, zirlai 3290 an awm mek.
Kuminah zirlai lut thar turte tan admission tih mek a ni a. Pachhunga University College Entrance Test (PUCET) leh Common University Entrance Test (CUET) hmangin admission hi tih a ni. Zirlai lut thar 708 awm tawhin, CUET hmanga lut turte tan admission la tih mek zel a ni.
PUC zirlai chhuak turte thlah
