Doctor, cancer vei tawh te leh hotel association te chuan sorkar chu hotel, restaurant leh airport ah tesecondhand smoke laka mipuite him theih nan smoking room siam tawh lo turin an ngen.
Sorkarin Cigarettes and Other Tobacco Products Act (COTPA) 2003 siam that a tum chu lawmawm an tih thu an sawi rualin tuna dan ding mek laia smoking area siam te chu thiata 100% smoke-free a ram siam turin an ngen a.
“Meizuk hian lung a tibuai nasa a immunity a tihniam a. Hotel leh restaurant leh airport ah te pawha smoking area siam chu 100% smoke-free environment a awm theih nan nuai bo tur a ni. Heng smoking area siamte hian COPTA in ruahmanna a siam te an zawm tak tak lova, hei vang hian mipui nawlpui te secondhand smoke lakah him lo zawkin a siam a ni,” tiin Dr. Harit Chaturvedi, chairman, Max Institute of Cancer Care chuan a sawi.
Tun dinhmunah India ramah meizuk hi mipui punkhawm tawhna phawtah chuan Cigarettes and Other Tobacco Products (Prohibition of Advertisement and Regulation of Trade and Commerce Production, Supply and Distribution) Act, 2003 hmanga khap niin, he dan Section 4 chuan mipui punkhawmna tina meizuk a khap a ni.
Mahse, COPTA 2003 hian meizuk chu mipui punkhawmna hmun heng restaurants, hotel, airports ah te meizukna room bik siamah chuan zuk a remti a ni.
“Meizuk khu hi thil eina hmun a bik takin hotel, restaurant, bars, pubs leh clubs a awm mipui te chuan an tuar a, meizu lo te chuan meizu te zuk khu nasa takin an tuar a ni,” tia sawiin, “Meizuk khu chu common area ah te lutin hei vang hian COTPA Acr hi punkhawmna hmun hrim hrima khap bu a nih a ngai a. Mipui nawlpui hriselna ngaihtuahin mipui punkhawmna tawh phawtah chuan meizuk hi khap ngai a ni,” tiin Nalini Satyanarayan, passive smoing victim leh health activist chuan a sawi.
Secondhand smoking chu smoking pangngai nen a pawi khwih dan a inang reng tih ni bawkin secondhand smoke tuartu chuan natna hrang hrang lung cancer leh heart disease te lung fel lo leh naupangah pawh respiratory infection te a thlen thei an ti bawk a. A bik takin thawk lama buai leh cardiovascular system fel lote chuan an tuar nasa zual an ti bawk.
Smoking area bik siam hian meizu te inla hrang deuh emaw mask vuahin emaw siam thei lovin inhnaihchilh takah meikhuin a chiahpiahnaah an awm lo thei lo an ti bawk a.
“Chhungkua te hian hotel meizuk khap burnaa thlen an duh zawk tih kan finfiah tawh a. Sorkarin COPTA provision tihchak tuma hospitality sector te smoke-free a siam a tum hi kan lawm a. Mipuite hriselna humhimna kawnga sorkar hmalakna hi kan thlawp tlat a ni,” tiin Dr. G.P. Sharma, president, Hospitality Association of Uttar Pradesh chuan a sawi.
Sorkar chuan COPTA amendment siam turin hma la mekin Cigarettes and Other Tobacco Products (Prohibition of Advertisement and Regulation of Trade and Commerce, Production, Supply and Distribution) (Amendment) Bill, 2020 pawh a pharh tawh bawk a.
Tun hnaia survey neih thar berah pawh Indian 75% te chuan secondhand smoke chuan hrisellohna thlenin 88% te chuan sorkar chu dan khauh zawk siam turin an duh tih a ni bawk.
India hi khawvela tobacco user tamna ber dawttu niin India puitling 28.6% lai mi maktaduai 268 vel lai chu meizu emaw a kaihhnawih ti an ni a, tobacco kaihhnawih natna avangin kum tinin mi maktaduai 1.2 in nunna an chan ziah ang a ni bawk.
Meizuk vang hrim hrim kaihhnawihah mi maktaduai khat chuangin nunna chanin secondhand smoke tawrh avanga nunan chan 2,00,000 an awm bawk a, smokeless tobacco hman avanga nunna chan 35,000 chuang an awm bawk.
India rama cancer 27% dawn chu tobacco kaihhnawih hman vang a ni a, tobacco kaihhnawih avanga sum sen chu Rs 1.82 crore vel niin chu chu India GDP atanga chhutin 1.8% a tling pha a ni.
Puipunna hmun tinah meizuk khap bur turin duh
![](https://theaizawlpost.org/wp-content/uploads/2023/03/pui.jpg)