Daily Newspaper

Pulev hneha Fury tawn inbeisei Joshua

8

Unified world heavyweight champion Anthony Joshua chuan Pathianni khan dawhthei taka nghak chungin round kuanaah a tumpui Kubrat Pulev a knock out a, kha inhneka a th^p IBO, WBA, IBF leh WBO World Heavyweight title a humhim a, a chipui Briton palian Tyson Fury lam a hawi zui nghal.

British heavyweight Joshua hian dan ang thlapa amah chotu hi round thumna lekah a kuttum dinglamin a hnek fuh a, referee-in a chhiar hnuah inhnek chhunzawm leh a ni a; round kua an khelh tlin hnuah Bulgarian chuan a tlin ta ngang lo a, Wembley Arena chhunga mipui luh phalsak zat fans 1,000 authawm a ring a, he inhnek ai mah hian Anthony Joshua leh WBC title kawl mektu Fury-te inhnek hmabak anga lang chho ta chuan mipui a tiphur zual niin a lang.

Kum 31 mi Briton mihang fighter Joshua chuan a hm^a ding kum 39 mi Bulgarian Pulev a thenfai hnuah a hmachhawp lam a hawi zui nghal a, “Ka kokia ka put loh kawnghren kawltu chu tu pawh ni rawh se a bikima kawnghren hreng turin chhuhsak ka duh dawn a, chu kawnghren kawltu chu Tyson Fury a nih palh chuan Tyson Fury ngei chu ni rawh se,” tiin chona tawngkam a chhakchhuak nghal.

Fury pawh social media lamah a lo ter ve nghal at a, “Chu fight ngei chu hmachhawn ka duh e. A dawtleh chiah atan ka hual nghal. Round thum chhungin ka knock out khawp ang. Ka nghak thei tawh lo,” a tichhuak ve nghal.

Vawi 25 inhneka vawi 24 chak tling Joshua leh a chipui Fury hi an intawng thei ngai a nih chuan world heavyweight title palite chu inhnek vawi-khatah an thap kim vek dawn tihna a ni a, heavy-weight boxing chanchina inhnek lian leh ngaihven hlawh a ni nghal lo thei lo.

Pathianni inhnek a hmuna thlir tur khan Floyd Mayweather chuan UK a thlawklut vang vang a, Anthony Joshua tantu hian inhnek zawhah British fighter chu lawmpuina hlanin, a thianpa chu heavyweight boxer thaberte zinga pakhat ti hialin a lo fak tawh a ni.

British star Joshua hian Wembley Arena-ah tantu a nei hraw kher mai a, professional fight vawi 50a chak fai vek chunga chawl ta American superstar Mayweather chuan inthlakna pindan thlengin Anthony Joshua hi a zuilut a, a chak lawmpuina a hlan.

Sky Sports-in an kawmnaah Mayweather hian boxing ropui en tur chuan a inpeih at reng tih sawiin, chutiang hmuhna atan UK chu hmun ropui a nih thu a sawi a, fighter ropui tak tak awmna a nih thu leh Anthony Joshua pawh chu a chhuang takzet tih a lo sawi tawh a ni.
Mayweather hian Joshua leh Pulev inhnek chu Wembley Arena ngeiah a thlirliam a, lawmpuina thu thlum tak chhakchhuak nghalin, “Heavyweight kan hmuh tawhte zinga thaber pawl niin, a career-ah gold medal a lo awrh tawh a, fighter tawrawt, hrem-hmun rim nam rum rum a nih laiin gentleman dik tak a ni tel a, he mihring hi ka zah a ni,” a ti.

A hma lawkin Mayweather hian Instagram lamah Joshua nen Los Angeles-a an thlalakdun phochhuakin, caption-ah ‘Ka unaupa Anthony Joshua support turin ka fehchhuak dawn’ tih a tarlang a, London khuaah hmuh tur a awm zui ta a ni.

Tunthla tir lam khan Mayweather leh You-Tuber hriat hlawh Logan Paul-te’n kumthara exhibition bout an khelh tur thu nemngheh a lo ni tawh a, Manny Pacquiao ngam loh Mayweather-a thawm kan hre chho tan leh mek e!

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy