Pump-a QR code scan tur thlaktu manchhuak
Petrol pump-a petrol latuten internet atanga petrol man an pekna atana QR code scan-na tur sticker an dah chu Inrinni khan mi pakhatin a thlak lai CCTV camera atangin hmuhchhuah a ni a. Man a nih hma hian a sticker thlaka petrol man thun pawh an lo awm hman a ni.
November 9 tlai dar 4.00 pelh hnu khan mi pakhat chuan Aizawl Treasury Square Mizofed Petrol Pump-a QR code scan-na sticker chu a thlak tih CCTC camera atangin hmuhchhuah a ni a. Aizawl Police Station hriattir nghal niin, police-te hian an bawhzui a, a titu H Lalrohlua (23) Hrangchalkawn Lunglei, tuna Armed Veng Aizawla khawsa mek nia inchhal chu an man a ni. A mobile phone man tel sak a ni a, a mobile phone gpay transaction enlet atanga a lan danin, petrol man hi Rs. 1000, Rs. 425 leh Rs. 890, a vaiin Rs. 2315 a lo dawng hman a, amah hian midang hnenah Rs. 890 a lo thawnchhuak thung a ni.
Pawikhawihtu H Lalrohlua hi tunhma lamin police case a la nei ngai lo niin police-te chuan an sawi.
Pump-a QR code scan tur thlaktu manchhuak
