Pune-ah kangmei chhuak, mi pasarihin hliam tuar
Pathianni tlai khan Pune-a photo studio pakhatah kangmei chhuakin mi pasarihin hliam an tuar a, a bul damdawiinah dah luh nghal an ni.
Thuneitute sawi dan chuan he kangmei chhuahna hmun hi Bavdhan area-a building chhawng ngaa sanga awm a ni a, khaw thim dawn hnaiha kangmei hi chhuak tan a nih thu an sawi.
Kangmei chhuak hi hriat a nih veleh fire department te thleng nghalin, photo studio bik hi chu a kangchhe hman hle tawh niin an sawi a, hmun dang a kang kai tur erawh ven hman a nih thu an sawi.
Kangmei avang hian mi pasarih chuan hliam an tuar a, meikhu in a lo ur nasat tawh avangin thawk lamah harsatna an tawk nasa nia sawi an ni a, damdawi inah dah luh nghal vek an ni bawk.
Kangmei chhuah chhan hi hriat a la ni lo a, thuneitute chuan thelh mih nghal a nih thu an sawi.
Pune-ah kangmei chhuak, mi pasarihin hliam tuar
