Daily Newspaper

Punjab National Bank-a loan rul duh lote sum bat \hahnem

21

Punjab National Bank hnuaiah cheng nuai 25 chung lam loan la rul tha duh lo 1,787 an awm a, heng mi tena sum an puk tlingkhawm hi cheng vbch 37,020.27 a ni a. Hengte hi PNB-in consortium lending anga a pek te an ni.

Mehul Choksi kaihhruai Gitanjali Gems Ltd chuan leiba nei ngah berin cheng vbch 5.064.84 a nei a. Gili India leh Nakshatra Brands, Gitanjali Group hnuaia mi te tho chuan cheng vbch 1,447 leh cheng vbch 1,109 an ba bawk.

Jatin Mehta kaihhruai Winsome Diamond & Jewellery Ltd te chuan cheng vbch 1,036.85 an ba a, ABG Shipyard Ltd tre pawhin loan ba cheng vbch 1,193.37 chu June 30, 2020 thleng khan an nei bawk.

Chandigarh-a inbun chemical manufacturer Kudos Chemie Ltd te chuan loan ba cheng vbch 1,418 an nei bawk a, heng zawng te hi cheng vbch 1,000 chuang leiba neite an ni.

Vijay Mallya Kingfisher Airlines chuan loan ba cheng vbch 522.48 a nei a, Zoom Developers ten cheng vbch 702; Jas Infrastructure and Power Ltd ten cheng vbch 453.96, Sterling Global Oil Resources Limited ten cheng vbch 755 an nei bawk.

Bank hian mangaging director leh board member pahnih awmna heng loan ba rul tha duh lo te finfiaha hma la tur committee a nei a ni.

March 2020 thleng khan bank non-performing assets (NPAs) chu 14.21% ah a tla thla a, March 2019 kha chuan 15.50% a ni thung. Net NPA or bad loans pawh nikuma 6.56% atangin 5.78% ah a tlahniam bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy