Daily Newspaper

Purunsen thawnchhuah khapna duh lo zel

9

Centre-in ram pawna purunsen thawnchhuah a khap avanga lungawilohna nasa tak awm hnuah Maharashtra Chief Minister hlui leh Opposition leader ni bawk Devendra Fadnavis chuan Union Minister of Commerce and Industry Piyush Goyal chu thutlukna hnuklet leh turin a ngen.

“Lehkhathawn ka ziak a. Phone-ah kan inbe bawk a, khapna sut turin ka ngen a ni,” tiin Fadnavis chuan a sawi.

Centre-in purunsen thawnchhuah a khap avang hian Congress te chuan Pune, Thane leh Solapur ah lungawilohna lantirna an nei nghal a. Mipui lungawilo thawm avangin BJP senior leader te chuan Centre chu khapna sut turin an ngen zui bawk.

Fadnavis chuan Maharashtra purunsen ram chhung leh pawnah nasa taka demand a awm a, hei hi loneitute tan sum lakluhna tha a ni, a ti a. “Ram pawna thawnchhuah khap hian a nghawng dawn si a. Thutlukna siama khapna i sut ka beisei,” tiin Fadnavis chuan a sawi.

Thawhlehni khan Nationalist Congress Party (NCP) chief Sharad Pawar pawhin he mi chung changah hian New Delhi ah Goyal chu hmuin thupek sut leh turin a ngen a ni.

Hetihlai hian State cabinet te chuan Union government hnenah lehkha thawn nise tiin Chief Minister Uddhav Thackeray chuan State chuan Centre chu khapna sut leh turin a ngen tur thu a sawi bawk.

Kum 2018-19 khan Maharashtra chuan purunsen 21.83 lakh metric tonnes a tharchhuak a, mahse, kum 2019-20 khan 18.50 lakh mt chauh a tharchuak thung. Tun dinhmunah 4 lakh mt chu Jawaharlal nehru Port ah thawnchhuah turin a awm mek a, hei bakah hian Bangladesh leh Nepal a thawnchhuah tur truck 500 phur a tangkhang mek bawk.

Narendra Modi kaihhruai Union government sawiselin State unit Congress president leh Revenue Minister Balasaheb Thorat chuan Maharashtra-in loneitute tuilian leh ruahsur nasa avanga hloh te a tanpui laiin Centre chuan a tanpui ve duh lo, a ti a.

“Centre-in milk powder ram pawn atanga lakluh a tih avangin milk powder tonne sang tam tak chu a let rem rum a, chu chuan milk price a tihniam a. Market-ah purunsen man a that lai takin ram pawna thawnchhuah a khap leh a, hei hian purunsen man chu quintal ah Rs 700-Rs 800 in a tihniam a ni,” tia sawiin Centre-in a khapna a sut hma chuan lungawilohna an lantir tur thu a sawi bawk.

Pune Congress city president Ramesh Bagwe pawhin lockdown lai pawhin loneitu ten purunsen an tharchhuak reng a, hlawkna an hmu dawn ta maw tihah Centre in thawnchhuah a khap leh a. “Hei hi thil dik lo a ni a, Centre hian a rang thei ang berin a thupek a sut tur a ni,” tiin a sawi bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy