Pushpa 2-in Rs vbc 900 la lut tawh
South Indian film hit zet mai, Allu Arjun leh Rashmika Mandanna te channa Pushpa 2: The Rule chuan ni 12 chhungin India-ah cinema hall ticket hralhna atangin cheng vaibelchhe 902.62 a la lut tling tawh.
He film hian kar khat chhungin cheng vaibelchhe 725.8 la lut theiin, a weekend vawi hnihna a zawh meuh chuan cheng veibelchhe 900 a pel ta rawk mai a ni.
He film hi Telegu, Tamil, Mamayalam leh Hindi-a tihchhuah a ni a, a Hindi version hi sum la lut tam ber niin, cheng vaibelchhe 553.1 a la lut tling tawh a, a Telegu version chu a dawttu niin, cheng vaibelchhe 279.35 a la lut tawh a, Tamil version-in cheng vaibelchhe 48.1 a la lut tawh bawk.
Pushpa 2: The Rule hian a film hmasa ‘Pushpa: The Rise’ hlawhtlinna a rawn chhawng ve nghal zat zat a, tunah chuan Pushpa 2 hian cinena hall ticket hralhna atangin cheng vaibelchh 2,000 chu a la lut tei ngei dawn niin a lang a, kar hnih chhungin khawvel huapin cinema hall ticket hralhna atangin cheng vaibelchhe 1200 a la lut tling der tawh a ni.
Pushpa 2-in Rs vbc 900 la lut tawh
