Russia a cabinet table leh a chhehvela thu thin chu tupawh ni se thutlukna siamtu chu mi pakhat chauh niin chu chu President Putin a ni.
Modern Russia political system chu Putin leh a chhehvel vekin a khat a. Sorkara thuneihna sang chang tur leh thlauhthlak turah pawh Putin thutlukna vek a ni mai.
Chung avang chuan Russian sorkarin thuneitu sangte a siksawi thin chu awmze nei lo a ni hauh lo, pawimawhna thuk tak nei thin zawk a ni a. Tunah pawh defence ministry atangin Sergei Shoigu chu lakchhuak a ni.
Russia-ah chuan cabinet reshuffle chu thil thleng zen zen lo a ni thung. Russia veteran foreign minister Sergei Lavrov chuan a hna ngai kum 20 a chelh tawh a. Sergei Shogu pawhin defence minister kum 12 a chelh bawk. Hetih chhung hian UK ram ang te chuan defence secretary paruk a nei hman.
Shoigu chu President Putin ally niin inhnimhnai em em, sangha man te, sapel te a kal dun reng reng an ni a. Mahse, chumi avang chuan i hna i chan dawn lo tihna a ni lo.
Sergei Shoigu chu technocrat economist Andrei Belousov chuan defence minister atan a thlak tak a. Chuvang chuan Shoigu chu chuangliam a ni ta tihna a ni hauh lo, Russian Security Council head a ni zui dawn tho va, he hna chelh mektu Nikolai Patrushev erawh eng hna nge pek a nih dawn hriat a la ni lo.
Eng vangin gne Putin chuan a laka rinawm bur defence ministry atanga a lakchhuah? Eng vangin nge economist in a thlak? Chu chuan Vladimir Putin danglamna a tarlang em?
Sergei Shoigu sira hnawl tumna a awm tiin a hma deuh atangin khual thuthang a awm tawh a, a chhan ber pawh a deputy Timur Ivanov chu eirukna thubuaiah man a nih vang a ni.
Defence minister atana economist hman daih mai pawh Ukraine indona kalpui mekah Russia chuan sum tam tak defence atan a hmang tlat mek a ni.
GDP atanga 7% lawih defence atan hman mek nia sawi niin chutihlaiin Russian economy chuan hniam lam a pan zel bawk si a ni.
Chuvang tak chuan defence minister-ah finance thiam, economic planning thiam leh sum te daihzai leh awmze neia hmang thiam leh eirukna laka fihlim chu mamawh a ni tia sawi a ni.
Chutak chu Vladimir Putin chuan a hlah hauh lo, kum 2022 kha chuan Ukraine indonaa Russia a hnungtawlh lai pawhin Putin chuan Shoigu chu a tan tlat thung.
Kum 2023-ah pawh Shoigu leh Wagner mercenary chief thi tawh Yevgeny Prigozhin tena vantlang hriata inbakkaihna nei a, Shoigu chu Prigozhin an eirukna kalpui nasa tia bantir tura a ngiat lai pawhin Putin chuan Shoigu a tan tlat bawk.
Tunah Kremlin chuan indona tualzawlah hmasawnna a neih mek laiin a defence minister chu a ban leh lawi si a ni. Hei hian thil pakhat entir a nei an tia chu chu Vladimir Putin chuan pressure san laiin chet a la ngai lo an ti, a hun a tihah thutlukna a siam mai an ti bawk.
Mahse thil tam tak la inlailang tur a awm thung a. Sergei Shoigu hma lam hun zel tur eng nge ni ang Security Council a kaihhruai tur chu power base turtu takah a siam ang nge a post chelh thar thiltihtheihna chu nasa taka tihhniam tur zawk?
Security Council head a thlak tak Nikolai Patrushev tan eng nge ruahman a nih? Hun rei tak chu Patrushev chu Russia-a thiltithei ber pawla ngaih niin a influence turu tak a la nei zui thei ang em?
Defence minister thar ruat a nih takah chuan Russia chuan Valery Gerasimov thlakin chief of the general staff thar a nei ang em tih te chu khawthlang ram tena inrinsiak leh uluk taka an thlir mek a ni.
Putin thutluknain ngaihven hlawh
![](https://theaizawlpost.org/wp-content/uploads/Clipboard01-957.jpg)