Sairang Zero Point a rel kawng dawh mek chim avanga rel kawng ban sang taka engineer pakhat hliam lathlatu, Quick Response Team member-te chu voluntary-a thawk an nih avangin hlawh hranpa an nei loa, chhanchhuahna kawnga tha an thawh tum erawhin lawmman pek thin an ni tih Disaster Management & Rehabilitation minister Lalchamliana chuan a sawi.
Minister chuan AAPDA MITRA scheme hnuaiah National Disaster Management Authority (NDMA) chuan khuarel chhiatna thlen changa chhawmdawlna leh chhanchhuah hna rang zawka thawh a nih theih nan community volunteer-te hmang tangkai a, training pe a, a tul huna hman theiha buatsaih tura a tih angin, district hrang hrangah mi 700 training an pek tawh thu a sawi.
Tlawmngai pawlte chu khuarel chhiatna thlen apianga chechhuak hmasa ber an nih thin avang leh an pawimawhna leh tangkaina sawrkarin a hriat avangin Emergency Response Vehicle leh Search & Rescue equipment pek an ni tih a sawi a. Sawrkar hmalakna in training leh worshop pawh a buatsaih sak thin a nih thu a sawi bawk.
Quick Response Team-in hlawh nei lo
