Site icon The Aizawl Post

Radar lei nan BEL nen inremna ziak

Defence Ministry chuan sorkar enkawl aerospace company Bharat Electronics Limited (BEL) nen Nilaini khan Low-Level Transportable Radar (Ashwini) inleisak turin inremna an ziak.
Contract hi Rs veibelchhe 2,906 man niin sorkarin ram venhimna atana ram chhunga siam ngei hman tuma hma a lakna kal zel atana tih a ni tih thuneituten an sawi.
“Low-level Transportable Radar (Ashwini) hi electronic hmang array radar niin van lama indo thlawhna thlawk chak tak leh mihring chuanna ni lo thlawk muang chi leh helicopter pawh hmu thei a ni,” tiin ministry chuan a sawi.
Radar hi ramin a siam chhuah ngei thil hmanga remkhawm a ni a, ‘hmanraw siamtu ram dangtea innghahna titlema ram chhunga siam, mahni kutkhawih ngeia innghah deuh deuh zel kalpuina hnuaia mi a ni a, ram venhimna hmanrua siamna lam tihchak zelna tur a ni bawk’ tih ministry chuan a sawi bawk.
Radar hi Electronics & Radar Development Establishment leh Defence Research and Development Organisation(DRDO) ten an duan leh din a ni a. Inremna ziah anga siam zawk a nih hnuah chuan Indian Air Force hman tur a ni ang.

Exit mobile version