Site icon The Aizawl Post

Raducanu a tla

Indian Wells khelh mekah British nula chhuanvawr Emma Ra-ducanu chu fourth round paltlang zo lovin a tla a, World No. 1 Iga Swiatek a hneh lo.
US Open 2021-ah rin loh taka a champion nawlh hnuin Raducanu hian chet that a harsat ta tlat a. Inelna hrang hrangah beisei phak lovin a tla ta fo. US Open 2021 hnu lamaha chet that ber tum tawng bawk mah se, World No. 1 Iga Swiatek ber kher a hmachhawn zui leh ta bawk si a, quarter-final lut zo lovin a tla leh ta nge nge. Iga Swiatek hian set khat naah game thum chauh hlohin set a la a, set hnih naah a khel tha lehzual a, game khat chiah hloha set la nawn lehin, hnehna nuamsa a chang zui ta a ni.
Mipa lamah Carlos Alcaraz chuan World No.1 thar nih tumin hma lam a pan a, fourth round-ah hahdamin takin a chak. World No.1 thar ni tura Indian Wells ah champion mamamawh Alcaraz hian fourth round-ah British rawlthar Jack Draper a hma-chhawn a. Set khatnaah 2-0-a hma a hruai laiin a khingpui Draper hi hliam vangin a inhnuk-dawk. Mipa lama inkhel dangah Cameron Nor-rie chuan Andrey Rublev hnehin quarter-final a lut a. Inkhel hmuhnawm takah Daniil Medvedev chuan German Alexander Zverev chu 6-7 (5-7), 7-6 (7-5), 7-5 in a hneh a, quarter-final a lut ve bawk.

Exit mobile version