Daily Newspaper

Rahul Gandhi-an Centre na takin kap zui

11

Congress leader Rahul Gandhi, a nu Sonia Gandhi health check-up neia ram danga thang mek chuan Thawhtannia sorkarin parliament-a coronaviorus lockdown avanga migrants nunna chan zah an chhanna chu a chhang let.

Thawhtanni khan ni 18 awh parliament monsoon session neihnaah Union Labour Minister Santosh Kumar Gangwar chuan kumin March thla atanga lockdown kalpui hnua migrant nunna chan zat data record a nei loh thu a sawi a ni.

“Modi sorkarin lockdown laia migrant nunna chan zat a hre lo. Engzatin nge hna chan pawh a hre lo. In chhiar loh te chuan tumah nunna chan an awm nang? A lungchhiatthlak lai ber chu sorkarin nunna channa thleng engahmah a ngai lo. Khawvelin nunna an chan a hmu a, Modi sorkar chuan a hre ve lo,” tiin Kum 50-a upa Rahul Gandhi chuan a tweet a ni.

March thlaa sorkarin coronavirus leng darh tur dan nana khawvela lockdown khauh ber pawl a kalpui avangin migrant nuai telin hna an chan a. Mi tam tak chu kilometer za tam khawpui atanga an chenna khua pan tuma ke a an kal kawngah an thi a, an tawrhna nasa tak thlalak te a thehdarh a ni.

Rahul Gandhi chuan Centre chu migrants te tawrhna chungchangah nasa takin a bei tawh a, sorkarin pandemic lenga a hmalaknaah a sawisel nasa bawk.

May thla khan Rahul Gandhi chuan Delhi flyover-a migrnats camping tlawhin Finance Minister Nirmala Sitharaman chuan sawiselin ‘draamabazi’ a ti nghe nghe a. “Migrant te bula thua hun khawhral lo khan, an rualin kal la an suitcase kensak la. Congress rorelna state-ah te Rel tam zawk pe turin dil la, tichuan migrant ten an In an thleng thei dawn a ni,” tiin a tweet a ni.

Parliament-a sesison neih mekah Union labour ministry chu sorkarin migrants te an state-a haw zat data a nei em tih zawh a ni a. Migrant nunna chan data neih a ni lo va, hei vang hian compensation sawi lanna tur a awm lo tiin Union labour ministry chuan a chhang a, hei hi opposition te chuan thinrimin an sawisel nasa hle a ni.

Congress chief Sonia Gandhi leh Rahul Gandhi te chu kar kalta khan ram pawnah Congress chief hriselna enfiah turin an kal a. Monsoon session tir lam an tel thei dawn lo chungin Rahul Gandhi chuan nitin a tweet hmangin Centre chu a bei reng thung.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy