Daily Newspaper

Rahul leh Priyanka te UP-ah dang

27

Rahul Gandhi leh Priyanka Gandhi Vadra te chan Delhi leh Uttar Pradesh inkarah an convoy tihdin a nih hnuah kein Hathras an pan.

Hathras-ah hian pawngsual rawn avanga Thawhlehnia nunna chan leh a zan la la police tena an phum nghal chhungte tlawh tuma kal an ni a. Police-te chet danah sawisel a nasa hle a ni.

Congress leader tena Hathras pan an tum tih hriat a nih veleh Uttar Pradesh sorkar chuan coronavirus leng chhuanlamin ramri tin pin phuina an nei nghal a, punkhawm a khap zui nghal bawk.

Gandhi te SUV hi Greater Noida-ah tihdin niin an tihdinna atang hian Hathras chu 142 km a la ni thung. Rahul leh Priyanka chuan kein an pan zui a, Congress worker tam takin an zui nghal a ni.

“Nikum tun ang hunah hian Unnao hmeichhia thihna avangin chet kan la tawh a, UP chu a la inthlak lo a ni,” tiin Priyanka Gandhi chuan a sawi. Nimin zing atang khan media mite tumah Hathras ah an luh phal a ni lo bawk.

He hmeichhia hi pawngsual rawn a nih hnuah a thi a, UP police te chuan an khuaah a ruang phur hawin an chhungte kalh hnanin an phum lui a ni. Police ten phum ran em em an duhna hi thil fel lo khuh nana tih nia ngaih a ni.

He hmeichhe chhungte hian police te chu che muang lutukah puhin Dalit leh hnam hnufual te chu ngaihsak lovah an puh bawk a.

He thil thleng hian UP sorkar Yogi Adityanath kaihhruai chu nasa taka sawisel nih phahin a bik takin tun hnaiah hmeichhiate laka hleilenna awmah an sawisel nasa zual.

Priyanka Gandhi chuan Yogi Adityantah chuan rorelna chang zel turin ‘moral right’ a nei lo tiin a sawi bawk.

Tun hi Gandhis tena Uttar Pradesh a dan an tawh tum khatna a ni lova. Nikum pawh khan Meerut an tlawh khapsak an lo ni tawh bawk a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy