Daily Newspaper

Raigarh police ten mask semin record an siam

21

Chhattisgarh-a Raigarh police te chuan ‘Ek Rakshasutra Mask Ka’ campaign neiin, mipuite hnenah hripui leng chungchanga inhrialhhriatna leh inven dan inzirtirna atan tiin hmai tuamna, face mask an sem a, mask 14,00,000 semin Guinness World Records an siam.

Raigarh SP Santosh Singh chuan, “Rakshasutra campaign hian Guinness Book of World Records min hnaih pui zel a, he Golden book of World records hian a thuphungin kan record siam hi min pawmpui tawh a ni. He campaign hi mipuite hnenah hripui laka inven dan inhrilhhriatna atana bul kan tan a ni a, mahse, mi tam takin min hlutpui a, an rawn in-volunteer ta sup sup mai a ni,” a ti.

Mipuiin mask sem tur an thawh khawm a, district kiltin atangin an thawh a, khaw 1,500 leh ward 48 chuang atangin an dawng niin SP Singh chuan a sawi a, “Hetiang hi ram chhung khawiah mah a la thleng ngai lo ang,” a ti.

Police te chuan khawlaiah mask hi an sem a, COVID-19 laka kan him theihna pawimawh a nih dan inhrilhhriatna an nei zel a, Rakshabandhan festival a lo ni bawk nen, chu chu remchangah hmangin hmeichhia te chu an unaupa te face mask pe tel turin an infuih nghal a ni. A tirah chuan mask 8,00,000 vel sem thei turah an inngai a, mahse, mipuiin an thawh khawm nasa ta si a, mask 12,37,000 an sem chhuak tawh a ni.

SP Singh chuan mask sem hna hi police 985 leh volunteer 7,500-in an thawk niin a sawi a, police ten sem tura an dawn bakah hmun hrang hranga lo sem ve te nen, an district chhunga mask sem zawng zawng chu 14,87,000 a tling niin a sawi bawk.

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy