Raj Bhavan-ah Herhse tiak phun
Mizoram hmun dang rualin Nilaini zing khan Raj Bhavan-ah Green Mizoram Day 2025 pualin hun hman a ni a. Larsap Gen. Vijay Kumar Singh (Retd) leh a nupui Bharti Singh chuan Upper Lawn Raj Bhavan-ah Mizoram state tree – Herhse tiak an phun.
Larsap chuan Raj Bhavan-a Green Mizoram Day hman a nih theihnana Environment, Forests & Climate Change department hmalakna fakawm a tih thu a sawi a. Mizoram chu hmun dang ngaihtuahin hmun hring tamna leh thing leh mau engemawzat awmna ni mah se, khawvel pumah sik leh sa a inthlak danglam nasat avangin hemi lo do let tur hian uar zawka thingphun beihpui thlak zel a tul tih a sawi a ni.
Mizoram mipui chu thing phun leh enkawl zui kawngah theihtawp chhuah turin a chah bawk.
Raj Bhavan-a Green Mizoram Day puala hun hman hi EF&CC department hotu leh thawktute an telpui a ni.
Raj Bhavan-ah Herhse tiak phun
