Daily Newspaper

Rajasthan-a ruahtui khawl dan MP-in zirchiang

44

Union Minister of Jal Shakti, Ministry of Water Resources Development & Drinking Water Gajendra Singh Shekhawat ruahman angin Mizoram Rajya Sabha MP K. Vanlalvena chuan September 30 leh October 1 khan Rajasthan-a Jodhpur khawpui leh a chhehvela ruahtui vantla an khawl dante a hmunah a tlawh.

Lui tui leh tuikhur awm lohna Rajasthan ramah hian hmasang atangin engtin nge tui in tur an lo neih dan tih hriat tumin Rajput hoten ruahtui an lo khawl dan leh Rajasthan sawrkarin thingtlangmite tana ruahtui khawlna a siamsak hmun hrang hrang ami a fangkual.

Rajasthan-ah hian a bikin Jodhpur district-ah 370 mm vel chauh kumkhatah ruahtui a tla a. Chuti chung chuan tlangchhip sang laiahte, tlang pangahte ruahtui an khuap a, a thlitfimna tur hmunte siamin leihnuaia a luanchhuahna tur an siam a. Inchunga ruahtui leh tuallaia ruahsurte dahkhawl nan dil tam tak an siamchawp bawk. Ruahtui khawl an ngaihpawimawh avangin tui in tur hi tlachham loin an awm thei a ni. Mizoram MP chuan Mizoramah ruahtui 2500mm aia tam kumtin ruah a sur laiin, thalah tui a harsa thin chu, ruahtui khawlkhawmna kan neih that loh vang leh a nachang kan hriat tawk loh vang nia a hriat thu a sawi.

Ruahtui khawl chungchangah hian chief minister Zoramthanga leh Union Minister of Jal Shakti ten an lo sawidun tawh leh, PHE changtu deputy chief minister Tawnluia hmalak mekna leh, School Education Department-in Mizoram sawrkar school hrang hranga rain water harvesting programme a buaipui mekte bawhzuiin Rajya Sabha MP hian Union minister hi a hmu a. Minister hian Rajasthan-a an hnathawhte ena a hmun tlawh tura ruahmanna a siamsak angin Jodhpur hi a tlawh a, Ministry of Jal Shakti official-ten an tawiawm a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy