Prime Minister Narendra Modi chuan inthlang mai tur Rajasthan-ah October 5, 2023 khan project hrang hrang Rs 5,000 crore hu vel zet tlangzarhna a nei a. Hengte hian State hmasawnna a thlen ang tiin a sawi.
Modi hian multiple development project kawngpui, rel kawng, aviation, health leh higher education lam kaihhnawih te tlangzarhna a nei a.
“Vawiina project kan kalpui hian hmasawnna a thlen dawn a ni. |angrualin Rajasth hi developed leh State hnianghnarah kan siam thei ang,” tiin a sawi.
Kum 2014 thleng khan railway line 600 km chauh Rajasthan ah electrified a ni tia sawiin tun hnai kum kua chhung lekin railway track 3,700 km lai electrified a ni tawh tiin a sawi bawk a.
Prime Minister chuan project hrang hrang khum 350 awmna trauma centre te bakah All India Institute of Medical Sciences, Jodhpur ah critical care block siamna tur lungphum a phum bawk a. Hei bakah hian Pradhan Mantri Ayushman Bharat Health Infrastructure Mission (PM-ABHIM) hnuaiah critical care block pasarih siam a ni ang a ti bawk a. AIIMS centre chu Rs 350 crore a thuam a ni ang, a ti bawk a.
Heng facility hmangte hian trauma leh emergency case-ah damlo te tha zawka enkawl theih a ni ang a. Rajasthan-a district tinah critical care infrastructure a ti tha dawn a ni a ti bawk.
Modi chuan Jodhpur airport-ah pawh tate-of-the-art new terminal building sakna tur lungphum phum bawkin he mi atan hian Rs 480 crore zet dah a ni a, IIT Jodhpur campus a hawng bawk.
Terminal building thar hi 24,000 sqm velah siam a ni dawn a, passenger 2,500 vel dawl zo tura ngaih niin kum khatah passenger 35 lakh vel thleng thei dawnin chu chuan helai bialah tourism leh connectivity nasa takin a titha dawna ngaih a ni bawk.
Heng bakah hian road development project Rs 1,475 crore senga kalpui tur a ni bawk a, State-ah rel service dang pahnih siam thar a ni bawk.
Rajasthan tan vbch 5,000 investment
