Kum 75 mi, Nitish Kumar-a chuan Ningani khan Rajya Sabha member thlan turah Janata Dal (United) hmingin chuh dawn tih a puang a, hei hian National Democratic Alliance (NDA)-in state-a thuneihna a chan leh hnu thla tam la liam loh hnuah Bihar chief minister hi tuin nge thlak dawn tih titi a siam nghal.
X-ah Kumar-a hian kum 20 chuang Bihar mipuiten an rin avangin lawmthu a sawi a, an thlawpna avangin inpekna nen state rawngbawlna a neih theih phah a tih a tar lang a. “In rinna leh in thlawpna hian Bihar chu hmasawnna leh zahawmna kawng thar a rawn pho lang a ni,” a ti.
Kumar-a chuan parliament-a nun bul a tan atangin state legislature rorelna in hniha tel bakah parliament in hniha member nih duhna a nei tih a sawi a. “Hei vang hian tun tum inthlan turah hian Rajya Sabha member nih ka duh a ni,” a ti.
Kumar-a hi kum 20 dawn Bihar politic-a mi langsar a ni tawh a. Delhi-a a insawn hian an state-a rorel lai, NDA hmelhmang chu a thlak thei a ni.
Kumar-a hian chuh tura hming pek, thlak leh parliament member atana lak luh a nih hnuah chauh chief minister nihna a kalsan rin a ni a. BJP-in an chang zui tura ngaih a ni a. Anni hi Bihar-a Kumar-a’n chanvo sang ber a chelh lai pawha an pawl chakna leh inthlana an thawhpui ber a ni.
BJP hruaitute hian anmahni chhungah chuan ruahmanna siamin an inrawn tan tawh ngei rin a ni a. Kumar-a thlaktu tur an ngaihtuah rualin thil dang tam tak inbuktawk taka kalpui ngai ngaihtuah tel a ngai dawn niin a lang a. Tel rei tawh hnena chanvo tha pek ngawt ai mahin chi (caste) aiawh, thawhpuite nena inkungkaihna party-in politic-a huhang a ngah zawk theih dan tur thlenga an ngaihtuah a ngai dawn niin mi thiamte chuan an sawi.
Rajya Sabha-ah Kumar, Bihar CM nihna kalsan hmel
