Daily Newspaper

Rajya Sabha Deputy Chairman Harivansh insawifiah

8

Rajya Sabha Deputy Chairman Harivansh chuan farm bill September 20 a passed tak chu dan ang thlapa kalpui a nih thu sawiin Opposition tena vote lak an ngiat an kalpui theihlohna chhan chu House chu thunun theiha a awm loh vang tiin a sawi.

He mi chungchanga media report te sawifiahna neiin Deputy Chairman chuan ‘dan ang leh tihdan phung ang in, vote lak dawnin thil pahnih pawimawh a awm a. Pakhatna chu vote lak ngiatna a awm a ngai a, chutihruala pawimawh em em bawk chu House chu vote lak kalpui theih turin a awm tur a ni’ tiin a sawi.

Farmer’s Produce Trade and Commerce (Promotion and Facilitation) Bill, 2020, leh Farmers (Empowerment and Protection) Agreement of Price Assurance and Farm Services Bill, 2020 te chu September 20 khan Rajya Sabha-ah voice vote in buai nuai nuai karah pawmin a awm a ni.

A dinhmun sawifiahna nei zuiin Harivansh chuan KK Ragesh an statutory resolution a rawt a, ordinance leh amendment bill kaihhnawih te select committee hnena dah phawt chu House in 1.07 pm ah voice vote hmangin remtihlohna a pe a, member kha House Well ah awmin khatihlai khan gallery-a a seat a awm lo a ti bawk a.

Video-ah chiang takin a lang a lawm, amendment chungchangah a resolution rawt turin ka ngen a, “Gallery ka en a, mahse, amah a awm lo,” tiin Harivansh chuan a sawi.

Tiruchi Siva-a’n vote lak a rawtna leh bill amendment siam te chu select committee-a thlen a rawt khan a seat atangin dar 1.10 pm ah a ni a, mahse, 1.09 pm khan member pakhat chuan rule book pawtthlerin ka lam hawiin a rawn theh a ni, a ti bawk a.

“Heng bakah hian member thinrim ten min hual a, paper min chhuhsak an tum a ni,” tiin a sawi bawk.

Harivansh chuan September 20 a farm bill passed chungchanga thil thleng a kimchangin tarlanna a nei bawk a. “Consitutional position luahtu ka nih avangin chhanletna ka siam thei lo va. Hengte hi in hriat atan leh thutlukna in siam theih nan ka siam a ni,” tiin a sawi.

Harivansh insawifiahna hi media report-a Rajya Sabha TV official footage-ah member pahnih K.K. Ragesh of CPI-M leh Tiruchi Siva of DMK te chu vote lak an rawt khan an seat-ah an thu an tih vang a ni a. Deputy Chairman-in member ten rawtna an siam laiin an seat-ah an awm lo a tih an hnialna a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy