Daily Newspaper

Rajya Sabha rorel thei lovin siam

9

Rajya Sabha chuan nimin khan Opposition member pariatte chu tun Monsoon Session chhunga tel ve thei lo turin an hrem a, hei hi House a Pathiannia mawi lo taka an chet vang, tih a ni.

Hrem zingah hian Trinamool Congress’ Derek O’Brien leh Dola Sen, AAP’s Sanjay Singh, Congress MPs Rajeev Satav, Syed Naseer Hussain leh Ripun Bora, bakah CPI(M) member K.K. Ragesh leh Elamaram Kareem te an tel.

Rajya Sabha Chairperson M. Venkaiah Naidu chuan Deputy Chairperson Harivansh laka motion of no-confidence kalpui tum chu hnawlin ni 14 hmaa hriattir a ngai a ti a.

“Nimin (Pathianni) kha Rajya Sabha tan ni duhawm lo a ni” tiin Vice President chuan a sawi a, Pathianni a thil thleng vangin ‘a nat’ thu sawiin, ‘Parliament hmel a tibal a ni’ a ti a.

“A hunah tak Marshals te kha koh ni lo se chuan Deputy Chairman lakah khan thil duhawm lo thleng thei a ni,” tiin Naidu chuan a sawi bawk.

Pathianni khan Agrilculture kaihhnawih dan siam pathum zinga pahnih chu Opposition tena nasa taka duhlohna an lantir chungin sorkar lai chuan voice vote-in a passed a.

Congress, Trinamool Congress, Telangana Rashtra Samithi, Samajwadi Party, Dravida Munnetra Kazhagam, Rashtriya Janata Dal, Aam Aadmi Party leho Left party te chuan nasa takin bill duh lohna an lantir a, sorkar chu la zirchiang turin Parliament panel a thawn turin an ngen a ni.

Niminah Rajya Sabha chu heng member pariatte suspend kaihhnawih avang hian rorel thei lova tihtawp a ni a, vawiin zing dar 9:30 ah rorel an tan leh thei chauh ang.

Opposition ten President hnenah ngen
Opposition party te chuan nimin khan session neih hmaa inhmuh khawmna neiin Article 111 hnuaiah President hnenah Rajya Sabh-in a passed tak farm bill pahnih te chu remtihna pe lo tura ngen an tum.

Bill pahnih – Farmers’ Produce Trade and Commerce (Promotion and Facilitation) Bill, 2020 leh Farmers (Empowerment and Protection) Agreement on Price Assurance and Farm Services Bill, 2020 te chu Pathianni khan Rajya Sabha-ah voice vote hmanga passed a ni.

Constitution Article 111-in bill-ah President remtihna a pek ngai a ti a, “Tukina ngun taka kan ngaihtuah hnuah Bill pahnih passed dan hi felhlel kan ti a, tih theih kan neih chhun chu President hnena Bill remtihna pe lo tura ngen a ni,” tiin senior opposition leader te chuan an sawi.

Opposition te chuan bill pahnih te chu Rajya Sabha-ah a tawp hun tawh tur pelh dar 1 pm ah passed a nih thu an sawi a. House pawhsei a nihnaah House rawnna a awm lova chuvangin pawm theih a ni lo, an ti bawk a.

“Member tena statutory resolution an demand laiin an thutnaah an awm vek a, vote lak phalsak lohna chi a ni lo” tiin an sawi bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy