Raltlan camp sak mek leh bawlhhlawh sawngbawlna en
Home minister K Sapdanga chuan Sub Headquarters YMA Champhai-in Champhai Zion Venga raltlan awmna tura ruahman a tlawh a, Champhai Zote-a Refugee Camp a tlawh bawk.
Raltlan camp a tlawh zawh hian UD&PA minister ni bawk K Sapdanga hian a department hnuaia hmalakna pahnih – Truck Terminal Champhai Zotlang ami leh Solid Waste Management Center Champhai Mualkawi ami a tlawh a. Sawrkar department hotute leh khawtlang hruaitute nen inkawmin, heng hmun tihchangtlunna kawnga harsatna la awmte an sawiho.
Solid Waste Management Center Champhaiah hian bawlhhlawh sawngbawlna tur in pahnih – tawih thei lo sawngbawlna leh tawih thei sawngbawlna sak a ni tawh a; tawih thei sawngbawlna saknan hian Rs 58,48,667 sen niin, tawih thei lo sawngbawlna saknan Rs 72,31,431 sen a ni a, cheng nuai 52.92 senga thawmthat tum mek a ni. Bawlhhlawh sawngbawlna tur khawl hi bun tuma hma lak mek a ni a, kumthar lamah chuan a nihna tur anga kalpui theih tawh tura beisei a ni.
Champhai Truck Terminal hi Rs. 447,33,689 senga sak a ni a. CFH Consultancy Services Republic Veng Aizawl-in a sak hna a thawk a, kumin April 6 khan completion certificate pek tawh a ni.
Raltlan camp sak mek leh bawlhhlawh sawngbawlna en
