Raltlan ei tur buhfai sem
Food, Civil Supplies & Consumer Affairs minister B Lalchhanzova chuan Thawhlehni khan FCI kudam New Champhaiah raltlante tana ruahman buhfai quintal 4229 leh kg 5 a sem chhuak.
Minister chuan, raltlante tan ei leh in bakah awmna tur hmuh a har dawn a, chu’ng hreawmna chhawk zangkhai turin hetiang ruahmanna hi siam a ni tih a sawi a. Tanpuina dang tam tak an mamawh pawh Mizo leh Kristian kan nihna angin Champhai mipuiin tlawmngaihna leh tanpui duhna thinlung puin theih ang anga tanpuia thlamuan turin a chah tih a sawi.
Champhai district-ah raltlan hi khua/ veng 43-ah mi 12083 an awm a, buhfai hi mi pakhatin kg. 35 zel an chang thei dawn a ni.
Hemi hnu hian minister B Lalchhanzova hian a department chan hrang hrang – Revenue office, Civil Supply office, Information & Public Relations office leh Legal Metrology office a tlawh a, officer leh staff-te nen an inkawm.
Raltlan ei tur buhfai sem
