Raltlan tam zawk kir leh tawh

Tun hnaiah Champhai district-ah Myanmar
aTangin raltlan an pung leh a, mahse a lut thar zinga a tam zawk chu an khaw lamah an kir leh tawh tih thu dawn a ni.
Champhai district-a Zokhawtharah he inkahna avang hian Chawlhni zan leh ThawhTanni khan mi engemaw zat an raltlan a, Myanmar-a Khawmawi, Rihkhawdar leh Lianhna khaw thar-a mi an ni tlangpui tih thu dawn a ni.
Champhai bawrhsap James Lalrinchhana chuan Thawhlehni velah khan an han ralmuang deuh a, raltlan lut thar tam zawk hi mahni khaw lamah an kir leh tih a sawi.
Raltlante hi a hlawma lut an ni a, belh tur nei lote chu khawtlangin eitur ngaihtuahin rawng an bawlsak a ni. Nilaini kha chuan hetianga eirawngbawlsak ngai hi an awm lo tih thu dawn a ni.
Zokhawthar VC president Lalmuanpuia chuan an khaw bul hnai Myanmar lam aTanga tlanchhiate hi an ralmuan deuh chuan an let leh mai Thin tih a sawi a, chutiang chiah chuan an ralmuan loh deuh chuan an tlanchhe leh mai Thin bawk tih a sawi. Nilaini pawh khan mahni khuaa an kir hnuah sorkar sipai an inchhek mek tih thu a thang a, hei vang hian Zokhawthar lama tlan leh nghal tlem azawng an awm tih a sawi.
Zokhawthar bakah Champhai district khaw dang Thenkhatah pawh tun hnai inkahna avang hian raltlan lut thar an awm a, anni pawh hi khaw hnai, kir leh mai tura ngaih an ni.