Ram thenawma buaina avanga Mizorama raltlante enzui leh enkawl kawngah hma laksak turin Mizo Students’ Union chuan United Nations High Commisioner for Refugees (UNHCR) an pun.
Mizoram Lok Sabha MP C Lalrosanga hoin MSU Gen. Hqrs hruaitute hian February 7 khan UNHCR chief of mission Oscar Mundia an kawm a. MSU-in India ram chhunga Mizo hnam damna tur leh Zofate Jerusalem bela Zohnahthlak unau lutte ngaihtuah tura an tlangauna, January 30-a New Delhi Jantar Mantar-a peaceful demonstration a neiha MSU thil phut an bawhzui.
MSU president Samuel Zoramthanpuia chuan UNHCR chief of mission hnenah hian Mizorama raltlante dinhmun leh an harsatna a thlen a. Raltlante harsatna awlsam zawka sutkian a nih theihna’n leh chak zawka hna thawh a nih theihna’n India hmarchhaka UNHCR office siam a pawimawh thute, India rama raltlanten ramdang an chhuahsan theihna tur ‘exit permission’ siam te, raltlanten UN registration card an neih theihna’na interview siamsak a tul thute a thlen. Raltlante chhawmdawlna kawngah a thlengtu inpui a tam tep tawh avangin United Nations a inrawlh thuai a tul thu thlenin, hemi chungchanga tanpuina tur Project-Kulva thehluh nghal a ni.
UNHCR chief of mission chuan India ngaihdan anga chet a tul thu a lo hrilh a. Harsatna hrang hrang sutkian theih dan tur ama kut atanga chinfel theih chu tih ngei a tum thu leh MSU-in Mizorama UNHCR kal tura a ngenna chu tihhlawhtlin a tum thu a sawi.