Daily Newspaper

Ram hruaitu mi 15-te leh an chhungte enfiah dawn

28

Assembly speaker, minister leh MLA thenkhat chu Covid-19 natna vei nen tun hnaiah inhnaih chilha an lo awm avangin hri lakah an him em tih enfiah a ni dawn.

Tun hnaiah assembly secretariat-a dak semtu (dispatch rider) pakhatin speaker leh MLA thenkhat hnenah lehkha a dah a, dak semtu hi September ni 10 khan Covid-19 natna a vei tih hriatchhuah a ni.
Speaker Lalrinliana Sailo, minister pahnih C Lalrinsanga leh Dr K Beichhua, MLA 12- Nihar Kanti Chakma, BD Chakma, Lawmawma Tochhawng, C Ngunlianchunga, H Biakzaua, Lalchhuanthanga, VL Zaithanzama, Dr ZR Thiamsanga, Dr K Pachhunga, Er H Lalzirliana, L Thangmawia leh Dr Vanlaltanpuia chu an chenna hmunah kalin dak semtu hian lehkha a pe a ni. August ni 31 leh September ni 1, 2, 3 leh ni 8-ah lehkha hi a pe a ni.

Assembly commissioner & secretary H Lalrinawma’n September ni 10 zan khan dak semtuin ram hruaitu mi 15-te hnenah lehkha a pek thu leh dak semtu hian hri a kai tih hriatchhuah a nih thu ziakin a puang.

Speaker Lalrinliana Sailo lehkha dawngtute hi an chhungte nen enfiah an nih tur thu a sawi a, “Test a ngai a, kan vaiin, tin kan chhungte nen kan in-test dawn,” tiin The Aizawl Post a hrilh. Chumi tur chuan an inhrilh kual nghal tih a sawi a, Aizawl pawna awmte pawh phone-in a bia tih a sawi bawk.

A hriat chinah insawiselna nei an awm lo tih a sawi a, lehkha dawng hmasate tan phei chuan an dawn atanga ni nga ni ruk te a liam tawh thu sawiin, mahse test neih chu a ngaih thu a sawi.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy