Georgia chhim lama Pineland Road Fire chuan ram acre 16,000 chuang zeta zau a kang tawh a, kang thelhtuten boruak khirh tak an hmachhawn chhunzawm zel avangin Echols County-ah chuan hmun him danga insawn chhuahna tur thupek chhuah a ni.
Georgia ram kang hi Inrinni tlai dar 05:00 hnu hreta intan a ni a, tunah hian 10% thunun tawh a ni a. Echols County-a Will Rewis leh Chauncey kawngpui leh a bula awmte tan Level 3 evacuation order siam a ni.
Evacuation shelter pahnih siam a ni a. Ram kan chhan hi chhui mek a ni.
Atlanta-Fulton County Emergency Management Agency chuan, “Vawiin hian Georgia chhim lama ram kang avangin Atlanta pumah meikhu a la awm a, . Meikhu avanga buai theite chuan pawn lama hun hman an tihtlem tur a ni a, tukverh khar tur a ni a, air conditioning pawh recirculation mode-ah dah tur a ni,” an ti.
Georgia Forestry Commission chuan kangmei thelh nan hian hmanrua 40 chuang leh mi 70 chuang a tir tawh a. Crew-te hi chhun leh zan thawh hun insiamin an bei a, meikawng sial nan bulldozer an hmang bawk.
Type 1 Chinook helicopter pahnihin chung lam atangin tui tlak a ni bawk.
Ram kang vangin Georgia-a insasengna tur thupek siam
