Sorkar chuan president hlui Ram Nath Kovind kaihhruai committee ‘one nation, one election’ ram khat inthlan a ruala neih theih dan tur ngaihtuahtu tur a din a. Chumi tur chuan Lok Sabha inthlan tih hma leh State Assembly hrang hrangte huang khata luantir a ngai dawn a ni.
Kovind kaihhruai committee hian kum 1967 atanga Lok Sabha leh State Assembly poll a hrana neih tan chu a ruala neih theih dan an zawng dawn a ni.
Kovind hian mithiam tam tak leh rawn ngai te political party leader te a be rawn tura ngaih a ni a.
Hetih lai hian sorkar chuan September 18 leh 22 inkar chhung hian Parliament special session a ko va, chuta agenda turte erawh engmah sawilan emaw tlangzarh a la ni lo thung.
Kum 2014-a Prime Minister a nih tan atangin Narendra Modi chuan a ruala inthlan neih a rawt tawh a, chung zingah chuan local body inthlan te pawh huam telin hei hi inthlan avanga ramin sum tam tak a sen tihhniamna tur tiin a sawi.
Kovind pawhin Modi thlir dan chu a pawm thu kum 2017 a President a nih khan a lo sawi tawh bawk a.
Kum 2018 khan Parliament-a thusawina a neihah Kovind chuan, “Inthlan neih fo chuan human resources phurrit siamin inthlan puan hnua model code of conduct kalpui chuan hmasawnna nasa takin a ti khaihlak a ni,” tiin a sawi.
PM Modi ang bawkin Kovind chuan a hma pawhin political party te chu a ruala inthlan neih chungchangah hian inrawnkhawma sawihona neih nise a lo ti tawh a ni.
Modi sorkar term a tawp hnaih tawhah an hotu lawkte chuan hmalak ngei ngai tia sawiin hei vang hian chetlakna an nei zui ta nia sawi a ni.
PM Modi hnuaiah ruling BJP te chuan theme turu zet zet tlangzarhin big ticket ideas hmangin popular support neih tuma hma la thinin tunah pawh an hmalakna hian opposition leader te chu sawi tur nei thei vak lovin a siam phawt dawn tih chu BJP party leader te ngaihdan a ni tia sawi a ni bawk.
Kumin hian Assembly poll state panga- Mizoram, Madhya Pradesh, Chhattisgarh, Telangana leh Rajasthan-ah te November-December velah neih a ni dawn a, chu chu nakum May-June velah Lok Sabha inthlanin a zui dawn a ni.
Mahse, tun hnaiah sorkar chuan Lok Sabha inthlan pawh hnaia State thenkhat inthlan tur thenkhat Lok Sabha inthlanna neih hnua neih tur nena tihrual tumin hma a la tia sawi a ni bawk a.
Andra Pradesh, Odisha, Sikkim leh Arunachal Pradesh Assembly te chu Lok Sabha inthlan zawh hnua inthlanna nei tur a ni. Arunachal Pradesh-ah BJP in rorelna an chang mek a, Sikkim-ah pawh BJP thawhpui ten rorelna an chang mek bawk.
Maharashtra leh Haryana state BJP leh an thawhpui tena rorelna an channa niin Jharkhand-ah erawh Congress-JMM ten rorelna an channa niin Lok Sabha inthlan zawh hnuah inthlanna hmachhawn tur an ni bawk.
Ram Nath Kovind hovin ‘one nation, one poll’
