Daily Newspaper

Ram pum huap inelnaah Mizo zirlai titha

19

INTACH pawlin India ram pum huap essay inziahsiak a buatsaihah Mizo zirlai, St Josephs Higher Secondary School ami Vanrammawii chu a titha zingah a lang.

INTACH Mizoram Chapter hruaitute sawi danin, INTACH New Delhi chuan kumtina an tih thin angin kum kalta khan India ram puma school naupangte essay ziaka inelna a buatsaih a. A thupui atan mihring leh khawvela ngaw, lui leh nungcha zawng zawngte tana pawimawh tak, leilung awmdan danglam zel avanga khawvel tan a hlauhawm tak zia chungchang, ‘Nature in Danger’ tih a ni. Sikul naupang pawl 7 leh pawl 9 inkar tan a buatsaih a ni a, INTACH Mizoram Chapter pawhin he inelnaah hian School Education directorate nen tangdunin Mizoramah inenlna hi an buatsaih a ni.

Covid leng vanga harsatna tamtak karah sikul 10 leh naupang 85 an tel thei a. Mizorama essay ziak tha ber ber 10 te chu Delhi-a thawn niin, India ram hmun hrang hrang atanga 10 theuh an thawnte nen endik ho leh a nih hnuah Vanrammawii, St Josephs HSS, nikuma pawl 9 zirlai chu regional winner 42 thlan zingah 17-na a ni.

‘Mizoram tihmingthatu hi kan lawmpuiin kan chhuang hle a, a hmalam zelah duhsakna sang ber kan hlan a. A school principal leh zirtirtute, a nu leh a pa te kan lawmpui takzet,’ INTACH Mizoram Chapter chuan a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy