Ram pum huapa nu leh naute hriselna beihpui thlakna September thlachhung awh tur National Nutrition Month (Rashtrya Poshan Maah) chu nimin khan Serchhip DC meeting hall-ah Serchhip bawrhsap Kumar Abhishek, IAS chuan a hawng.
Bawrhsap chuan National Nutrition Month chu Poshan Abhiyan hmalakna peng pawimawh tak, ram chhunga nu naupai leh nau pawm leh naute kum 6 hnuai lamte hriselna kawnga beihpui thlakna a ni a, nu hriselna chuan a fa hriselna a nghawng a, fa hriselna chuan \hangthar lo awm zel turte hriselna a nghawng bawk a; chuvang chuan he hmalakna hi hmalakna pawimawh, ram tana chhenfakawm, uar taka mipuite hnena inzirtir chi thil a ni, a ti.
Kumar Abhishek chuan District, Block leh Village level a Nutrition Month atana thawktu zawng zawngte chu media hmanga \hahnem ngai taka hma la tura fuihin, Block level-ah Convergence meeting a rang lama neih \ha a tih thu a sawi a. Serchhip ICDS Project inbuatsaihna leh hmalak tawhna chinah lawmthu sawiin, an hlawhtlin tawhnaah te a lawmpui bawk a ni.
Lalbiakliana, CDPO, Serchhip chuan Poshan Maah hman dan tura state thuneitu sang zawkte ruahmanna siamte a sawifiah a. September thla chhung hian theme chi hrang paruk – Anaemia, Complementary feeding, exclusive breast feeding, 1000 days window of opportunity, care of new weak born (KMC) leh Underweight & wasting te kalpui a nih tur thu a sawi a. Covid19 hripui laka himna dante zawm chunga chung hmalaknate chu neih tur a nih thu a sawi a ni.
(THE AIZAWL POST – Tualchhung)
Full>> ePaper Subscribe
