Daily Newspaper

Ram pum huapin sangha khawi lam sawi

8

ASSOCHAM (Associated Chambers of Commerce and Industry of India) buatsaihin Ningani khan India ram pum huap webinar neih a ni a. Sawrkar laipuia Minister of State for Fisheries Pratap Chandra Sarangi chu khuallian niin, Mizoram Fisheries minister K Lalrinliana leh Assam Fisheries minister Parimal Suklabaidya te khualzahawm an ni.

Webinar-ah hian minister K Lalrinliana chuan Covid leng vanga sangha no khawi tur leh a chaw lakluh kawnga harsatna an tawh dan te, lockdown vanga sangha dil enkawl that theih loh a tam thu leh hemi vanga sangha thar a tlem phah a rin thu te a sawi a. Sawrkar laipuiin PMMSSY scheme thar a siam behchhanin sangha khawia eizawnna leh a hralhna kawngah Mizoramin ngai awh chho a, a hma aia lian zawk leh mumal zawka hmasawnna a hmuh a beisei tih a sawi.

Sangha dil siam bakah lui sangha humhalh kawnga khawtlang mipui nen tangruala hma an lakho dan te, Mizorama sangha no keu tir dan tur leh sangha awmsa khawi dan tur te a sawi bawk.

Minister chuan Mizoramah sangha chaw siamna atana pawimawh bawlhlo awm dan zirchian a pawimawh thu leh zirbingna kalpui a tul thu pawh sawiin, sangha chaw siamna bawlhlote hmundang atanga lak ringawt a nih chuan Mizoram tan sangha chaw siamna kawngah intodelh a har dawn thu leh sangha thar hnem a har tur thu te a sawi a ni.

Sawrkar laipui atanga sanction hmuh tlai leh instalment a hun taka a thlen thin loh avanga state sawrkarin scheme/programme kalpuinaah harsatna an tawh thin thute sawiin, PMMSSY-ah chuan a kalhmang siamtha turin Union minister hi a ngen.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy