India Skills National Competition neih turah Mizoram Team member 16 chu trade 16-a intihsiak hmachhawn turin Thawhtanni khan Aizawl an chhuahsan a, LESDE secretary Lalmalsawma Pachuau chuan a vailiam.
India Skills 2024 National Competition-ah hian state hrang hrang atangin mi 500 chuang an tling a, trade 63 hmangin an intihsiak dawn a ni. Mizo thalai tel turte hi bakery, beauty therapy, cooking, drone film making, electronics, electrical installation, fashion technology, floristry, hair dressing, health & social care, IT software solution for business, pattisserie & confectionery, painting & decoration, plumbing & heating, shoe making leh visual merchandising trade hmanga intihsiaknaah an tel dawn a. Intihsiakna paltlangte hian WorldSkills 2024, Lyon France-a kumin September-a neih turah India aiawhin intihsiak an hmachhawn leh dawn a ni.
Labour, Employment, Skill Development and Entrepreneurship Department hmalaknaa tirh an nih angin, LESDE official 6-in an hruai a ni. May 14-16 chhunga neih tur niin, Delhi leh Karnataka in an inthlen tawm dawn a ni.
Ram pum intihsiakah tel dawn
