Daily Newspaper

Ram tan goal 100 thuntu Ronaldo

22

Thawhlehni zan khan UEFA Nations League khelh chhunzawm a ni a, League-A-a inkhel ngaihven hlawhah champion lai Portugal chuan si hnih faiin Sweden an hneh a. He inkhela goal hnih thuntu Cristiano Ronaldo chuan ram tan goal 100 a thun tling a, hnuhma thar duhawm tak a hnutchhiah. Inkhel dangah World champion France chuan Croatia an hneh ve bawk.

Nations League champion Portugal tan C. Ronaldo chu ropui tain an inlana, goal hnih a thun. Minute 44-naah Sweden player Svensson chu hnawhchhuah a ni a, free kick a chawi bawk. He free kick hi Croatia an hmachhawn tuma inlan thei lo Ronaldo chuan mawi zetin top corner-ah a chhuihlut a, hmahruaina goal a thun. Ronaldo hian hma hruaina goa a thun bakah ram tan goal 100 thun tling chiah in, mellung pawimawh tak a phun a, he goal hi free kick atanga goal 57 a thun tlinna chiah a ni a, Portugal tan free kick atanga goal 10 a thun tlinna a ni thung.

An muala inkhel hmachhawn mah nise tlem zawk an nih vangin Sweden tan goal thun a harsa a, goal dang chhuah belh loh turin an inveng fimkhur hle. Hun tawp dawn hnaih minute 72-naah C. Ronaldo chuan an goal hnihna a thun belh zui leh ta thung. Portugal fachuam Ronaldo hian ram tan goal 101 a thun tling chiah a, khawvela footballer piang tawh zawng zawng zingah ram tana goal thun hnem ber dawttu a ni a, a chunga awm mek chu goal 109 thuntu Ali Daei a ni a. Anni hian kum 1993 – 2006 chhung khan Iran tan goal 109 zet a thun a, ram tana goal 100 thun tling hmasa ber leh ram taka goal thun hnem ber a ni reng. European player zinga ram tana goal 100 thun tling hmasa ber Ronaldo hian Ali Daei record hi a la khum ngei a beiseiawm viau a ni. Ronaldo hnungah hian Sunil Chhetri (72) leh Lionel Messi (70) te an awm ve mek bawk.

Thawhleh zana inkhel dangah World Cup 2018 final rematch ah France chuan Croatia an hneh nawn leh a, Portugal an um zui ve zel.

World Champion France hian an mikhual lakah goal an chhuah hmasa a, minute 16-na leka an goal chhuah chu tha taka chhanglet in Griezmann (43′) Livakovic (45’+1 og) Upamecano (65′) leh Olivier Giroud (77′) te goal thun hmangin 4-2 in hnehna an chang a. Nations League an hmachhawn hmasak pahnihnah hnehna chang ve ve in point ruk an khawl tling tawh.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy