Daily Newspaper

Ram tana inkhelh bansan Rakitic

25

Croatia midfielder Ivan Rakitic chuan Thawhtanni khan international football a chawlhsan thu a puang.

2018 World Cup-a an ram pahnihna nihpuitu Barcelona player hlui hi tunah kum 32 mi ni ve tawhin, Russia rama World Cup final an luhna kawngah a thawhhl^wk a, champion zui ta France lakah 2-4-in an tl^wm ta a ni.

Ram tana game 106 a khelhah Rakitic hian goal 15 thunin, national captain Luka Modric, coach Zlatko Dalic leh Croatian Foot-ball Association presi-dent Davor Suker-te nen an inkawm hnuah ram tana inkhelh hi a chawlh-san ve ta a ni.

Rakitic hian social media kaltlangin a chawlh thu hi a puang a, “Croatian national team mangtha tura thutlukna siam hi ka career-a thutl<kna siam harsa ber ni mah se tun hi ka kalkian hun dik tak niin ka hria a, thutlukna ka puitlin ta a ni.

“Ka ram tana game tin ka khelh kha ka lung-awipui hliah hliah vek a, ka duh zual zingah World Cup-a kan hun-tawn kha ka theihnghilh thei tawh lo ang.

“He team hi hmalam hun eng tak nei team ropui a ni tih ka chiang a, chona dang lo lang leh zel turah ka thiante leh ka teammate-te hi duhsak-na ka hlan a, kei hi fan lianber niin ka inngai nghet hmiah a ni,” a ti.

Kumin nipui insuan hun laiin Rakitic hian kumruk a khawsak tawhna FC Barcelona chhuahsanin a club hlui Sevilla a zawm a, club football-ah a insawrbing thei tawh dawn a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy