Ramri-ah hmun 39-ah police duty

Home minister Lalchamliana’n Mizoram venghim turin ramri-ah hmun 39-ah police an duty thu House a hrilh.
Ningani khan Budget Session-ah ziaka chhan chi zawhna, Aizawl West III bialtu VL Zaithamzama zawhna chhangin home minister hian Mizoram venghim tura police duty dan hi a sawi a ni.
“Mizoram venghim tur hian Mizoram Police battalion hrang hrang leh PTS Thenzawla thawkte ramria khua, mun hrang hrangah BOP (Battalion Outpost) 39 siam a ni a,” a ti.
“Police indaih lohna nasa tak karah heng BOP-ah te hian mihring 429 te chu ralthuam nen dah an ni. Hengte hian ram venhimn hna an thawk a ni. An awmna tur hian in/barrack engemaw zatr saka ni bawk,” a ti bawk.
State dang nena inrinaa BOP awm dana sawi a, a tam ber chu Assam nena inrinaah niin, hmun 24-ah police hi an awm a, Tripura nena inrinaah BOP hi pariat a awm a, Manipur nena inrinaah pasarih a awm.
Aizawl South I bialtu C Lalsawivunga zawhna chhangin, Mizo hlang awm theihna tur CRPF battalion din turin sorkarin hmalakna a la nei lo tih a sawi bawk.
United Nations Declaration on Rights of Indigenous People, 2007 chungchanga a \ul anga hmala turin Mizoram sorkarin May ni 3, 2019-ah sorkar laipuiah lehkha a thehlut tih pawh home minister hian a sawi.