Daily Newspaper

Ramri ah sawrkar department tangrual turin rawt

16

Assam leh Mizoram inrinaa ram inchuhna avanga hmalakna awm mekah ZPM Thalai chuan police-te pui turin a kaihhnawih sawrkar department hrang hrangte an tanrual theih nan rawtna an thlen.

ZPM Thalai Hqrs. thuchhuak chuan, tunhnaia Mizoram chhunga Assam sawrkarin harsatna a rawn siam avanga huaisen taka lo beilettu Vairengte khawtlang mipui leh Mizoram Police-te, Kolasib district thuneitute a chhuangin, an hnathawh ropui a tih thu a sawi a. Hetih rual hian, Assam chu ramria development siam kawngah a hma aia nasa zawkin ke a pen nasat dan hrerengin, ramri ah Assam lamin buaina an rawn siam pawha buaina lian zawk pumpelh a nih theih nan leh ramria cheng mipuite him zawk nan rawtna an siam tih a sawi.

Vairengte-ah temporary tactical headquarters din turin ZPM Thalai chuan sawrkar a ngen a. Ramria duty police-te hnena ei tur hnianghnar, tui leh kawlphetha hnianghnar pek kawngah nasa taka tan lak tul an tih avangin FCS&CA, PHE leh P&E ten ramria duty police-te tan tha thawh turin a ngen bawk.

‘Mizoram Police-te hian lirthei an neih that loh avangin Transport department-in police phurhkual nan an bus thawh se, police-ten puan in an mamawh khawp an neih loh avangin Sports & Youth Services department-in an tent thate police hman turin thawh se; medical doctor leh nurse a hranin attach ve nise, damdawi leh Covid test kit nen awm se. Police-ten buhfai leh ei tur dang anmahnin an inngaihtuah chawp ngai loin Supply department-in ngaihtuah sak se, police chu an duty pangngaiah chauh inthlur bing se,’ tiin a rawt bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy