Daily Newspaper

Ramri buai vangin China leh India inngur nasa zual zel

28

Chinese Army tena Ladakh-a Line of Actual Control (LAC) ah India sipai ten silai an hmetpuak tia an sawi hnu lawkah Indian Army te chuan thuchhuah siamin Chinese sipaite zawkin a ni boruaka silai kap ni tiin an sawi.

South Bank lama boruak a sosan leh zual hnuah Army chieg Gen Manoj Naravane chuan Defence Minister Rajnath Singh chu thil awmdan hrilhfiahna a neih thu defence lam chuan an sawi bawk.

“September 7 khan People’s Liberation Army (PLA) sipai te chuan LAC a forward position pali zinga pakhatah huangtau taka chetlakna an neih chu kan sipai ten an lo dang a, PLA sipai te chuan kan sipaite tihthaih nan boruakah silai an hmetpuak zawk a ni,” tiin Army thupuangtu chuan a sawi a. “Nasa taka tihthinur tuma chetlakna karah pawh kan sipaite chuan puitling takin an inthunun thei a ni,” tiin an sawi bawk.

India leh China ramri inchuhah hian kum 1975 atang khan silai hmehpuah a la ni ngai miah lo a ni.

India chuan LAC a inbakkaihna ata boruak muanawm siam a duh thu sawiin, “Mahse, China chuan huangtau chhunzawm zelin chet a la a ni. Tun thlengin Indian Army te chuan LAC an pel lova huangtau taka chetlakna an nei lo va, silai an hmetpuak hek lo” tiin Army thupuangtu chuan a sawi bawk.

Thawhtanni zan zanlai khan PLA te chuan thuchhuah siamin Indian Army te chuan dan kalhin LAC an pela Pangong Lake south bank an luh hnuah Shenpao mountain area ah lutin silai an hmetpuak a ni tiin an sawi a ni.
China sipaite hi India awp sputh bank, Mukhpari area-a tlangah Thawhtanni tlai dar 6 leh 7 vel khan an kal zawk tiin official te chuan an sawi a. He tlanga Indian sipai awm te hi hnawh let an tum tiin sawi a ni bawk.

PLA te hian inremna nasa taka bawhchhiain huangtau takin chet an la lui zel a, miliatry, diplomatic leh political level a hmasawnna a awm lai pawhin chet an la zui zel tho tiin Army thupuangtu chuan a sawi bawk a. PLA Western Theatre Command chuan ‘an ram chhung leh khawvel ram te chu thil dik lo a hrilh a ni’ tiin Army te chuan an sawi bawk.

“Indian Army te chuan inremna leh ralmuanna a duh ber a. Mahse, national integrity leh sovereignty humhim chu a tihmakmawh a ni” tiin Army thupuangtu chuan a sawi bawk.

Ramri buaina tihreh a nih theih nana Brigadier level a inbiakna chu kalpui reng a la ni tho thung a, mahse, hmasawnna a awm thei lo hle thung.

South Bank ah September 29 atang khan boruak a tang zual le a, Indian Army te chuan PLA te chuan heng hmunah te hian status quo thlak danglam an tum niin an sawi.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy