Daily Newspaper

Ramri buaiah Assam Congress leh BJP inpuh tawn

8

Assam-a rorel lai BJP-te chuan Assam leh Mizoram ramri buainaah sorkar kal tawh Congress-te chu demin Congress party-te chuan buaina pumpelh nan haider an thlang tiin an sawi.

Congress-te chuan chhang let zuiin Mizoram nena ramri buai chinfel a nih nan BJP sorkar leh Centre chuan tun hnaiah eng nge tih a neih tiin zawhna an siam ve thung.

BJP state thupuangtu Pabitra Marghetria chuan Assam leh a thenawm state tena ramri buaina an neih tinte chu Congress-te siam a ni tiin a sawi.

Thenawm state-te chuan kum tam tak chhungin Assam ram hectares nuai tam an ta neih tia sawiin chungte chu Congress rorel hun lai vek Independence hnua thleng vek a ni a. Congress-te chuan an haider lui a ni tiin a sawi.

“Tum tam tak ramri bula kan mi leh sa ten harsatna tawkin nunna chan hialin an property te thenawm state ten an tihchhiatsak fo va, Congress ten hmalakna an nei ngai lo” tiin Pabitra Marghetria chuan a sawi.

Himanta Biswa Sarma kaihhruai sorkarin thuneihna an chan hnu May thla atangin Assam-in a ramri inch khat pawh a hloh tur a ni lo tiin hma a la chauh a ni, tiin a sawi bawk.

Pabitra Margherita chuan Mizoram a Congress leader te chuan Twitter hashtag ‘ShameonAssam’ kalpui vakah a puh bawk a. “State Congress leader, president Bhupen Bora te hian mipuite hnenah ngaihdam dil rawh se” tiin a sawi bawk.

Mizoram nena ramri buai chungchangah Chief Minister Sarma hmalakna chu a fak bawk a. “Mizoram sorkarin ramri buaiah Nilaini khan a tirah duh lo chungin loh theih lohin inremna an ziah a ngai a, kha kha chief minister tan hnehna a ni” tiin Margherita chuan a sawi bawk.

He puhna hi Assam Pradesh Congress Committee general secretary leh senior spokesperson Apurba Kumar Bhattacharjee chuan chhang letin sorkar lai mekin midang demin relhrukna a zawng tur a ni lo, a ti ve thung a ni.

“Heng buaina hi Congress siam lo ni ta pawh ni se, eng vangin nge BJP leader te hi hun rei tak an ngawih?” tiin a sawi ve thung.

“BJP te hi kum 2014 atangin Centre-ah thuneihna an chang tawh a, Assam-ah 2016 atangin thuneihna an chang tawh bawk a. Ramri buai chingfel turin eng hmalakna nge an neih?” tiin a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy