Daily Newspaper

Ramri bulhnaiah kawng laih hna thawk

23

Mizoram leh Assam inrina hmun thenkhat chu tunlai hian Kolasib leh Mamit district huamchhungah kawng thuamthat leh kawng thar laih hna thawh mek a ni.

Mamit district bawrhsap Dr Lalrozama chuan Nilaini khan Chuhvel khawdaia Mizo IR camp leh lirthei tlan theihna tura kawng laihte a enfiah a. Bawrhsap hmalaknaa kawng thar laih hi IR camp thar sakna hmun, Bilpadawp Tlang laih thlen a ni tawh a. Helai hmunah hian JCB 2 leh Hitachi 1 hnathawka awm tawh sa bakah bawrhsap-in a tlawh rual hian Mizoram Earthmovers Owners Union ten an tirh JCB 2 ten an awmchilh nghal bawk. JCB hi mamawh dan azirin a dang pawh tirh belh tum a ni.

Kolasib district bawrhsap Dr H. Lalthlangliana hmalakna in an district ramria kawng thuamthat mek a ni a, hemi atan hian Kolasib leh Kawnpui-a quarry neitute chuan an lung thahnem tak ramri-ah an phurlut mek.

Assam nena Mizoram inrina kawng thenkhat hi fur lai anih avangin rikrum thilah leh ramri venga kal velna atan a harsat thin avangin Kolasib district bawrhsap chuan a theih ang angin a thuamtha mek a. Hemi atan hian Kolasib leh Kawnpui-a quarry neitute chuan boulder an thawh a, a phurhna lirthei man chu an tum lo a, a ba in kalpui rih a ni tih thu dawn a ni.

Kawng laih mekah hian Kolasib leh Aizawl atangin an lei laihna khawl an thawhchhuahpui bawk a; kawng laih mek leh thawmthatte hi ramria lirthei kal harsatna hmun leh tunhnaia kawng thar laih thenkhatte a ni tih thu dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy