Daily Newspaper

Ramri vengtu police-te hriselna endik sak dawn

13

Champhai District Level Task Force on Covid-19 ramria duty police-te hriselna an endik sak dawn a. A bikin Malaria leh Scurb Typhus an kai leh kai loh thlur bik zual a ni ang.

Thawhlehni khan Champhai DLTF on Covid-19 hi an chairman, district bawrhsap Maria CT Zuali kaihhruaiin an thukhawm a. Covid-19 hrileng ven kawnga district hmalaknate thlirho niin, district pum huap inkaihhruaina khairual tak VLTF tinte zawm tur siam chungchang ngaihtuah a ni.

Thukhawm chuan mitlawmngai leh thilphalte DLTF Champhai district hnena tanpuina sum lut hman dan tur a ngaihtuah a. Kumin March atanga ramri venga awmhmun khuar mek police mi 42-te hriselna endiknan leh a bikin Malaria leh rannung seh (Scrub Typhus) an vei leh vei loh endikna tura senso buaipuina tur pek nise a ti. Sub-Hqrs YMA Champhai kaltlanga chhawmdawlna pek nan leh a tul anga hman atan ruahman a ni.

DLTF Champhai kuta Covid-19 dona tura tanpuina sum lut tawh zat hi September 15 thleng khan Rs 7,05,100 a ni a, hmanral tawh Rs. 4,42,475 niin, tuna sum kawl chu Rs. 2,62,625 a ni.

Covid-19 laka himna tura inven dan leh inkaihhruiana siam – hmaituamna, kut silfai ngun leh inhnaih loa awm chungchangte zau zawka inzirtirna neih nise an ti a. Sawrkar duan inkaihhruainate ngawipawimawh chung zela nitin ei leh bar zawnna kawnga bahlah chuang loa hma lak zel theihna turin incident commander-ten an bial theuha VLTF-te hnenah fimkhur taka nunphung pangngai zawh chunga nitin khawsak buaipui dan tur zirtirna leh hrilhhriatna nei se tih a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy