20 Assam Rifles Southern Mizoram leh Central Young Lai Association hruaitute chuan Mizoram chhimlam, khawthlang ramria duty chungchangah thawhho dan tur an sawiho.
Mizoramah ram pawn atanga ruihhlo tawlhru leh smuggling kalpui thin an awm tih hriat a nih thu sawi a ni a. Lawngtlai district pawh dan loa sumdawnna kalpui thinte kawngzawhna remchang a nih avangin heng thil tih tawp nan hian hma lak nise, an ti a. Central YLA hruaitute leh Assam Rifles chuan ramri kâna lut leh chhuakte uluk lehzuala endik thin nise, an ti.
Kar kaltaah Mizoramah ramdangmi kut tuara nunna hial chan an awm tak avang pawhin ramria lutchhuak chungchangah fimkhur lehzuala hma lak a, mipui himna tura ramria endikna kalpui nise, an ti bawk.
Central YLA ngennain army pre-recruit training, student tour leh Zochachhuah leh Dumzautlang inkar luia ‘Friendship Bridge’ siam pawh 20 Assam Rifles hian tihhlawhtlin an tum tih an sawi a ni.
Ramria dan loa chetvelna dan kawngah hma lak tum
