Dan loa tawlhruk ramsa mante leh ramsa chhanchhuahte enkawlna hmunpui tur ‘Satellite Wildlife Rescue Centre of Aizawl Zoo at Champhai’ chu Dum Tlang Tlangsam Champhaiah sak a ni dawn a, Thawhlehni khan EF&CC minister TJ Lalnuntluanga’n a lungphum a phum.
He Centre hi Mizoram sawrkar EF&CC-in a dil angin, sawrkar laipui Ministry of Environment, Forest & Climate Change hnuaia Central Zoo Authority sum, vaibelchhe 10.91 senga ruahman tur a ni.
Wildlife Rescue Centre hi ram hectare 20-a zauah din tum a ni a. Dan loa tawlhruk ramsa mante leh ramsa chhanchhuahte mumal taka enkawl an ni dawn a ni. Ramsa dah hrannna – Quarantine Centre, water storage tank, animal reception room, veterinanry dispensary, post-mortem room, godown/kitchen, Centre office leh staff quarters ruahman tur a ni a. Ramsa chi hrang hrang – primates, sava, reptiles, herbivores, rodents, carnivores leh amphibians a hrana dahna tur hmun hrang siam a ni ang.
Minister chuan India ram pum huap Forest minister-te inhmuhkhawm tumah dan loa ramsa tawlhruk man leh ramsa chhanchhuah enkawl zui chungchangah Mizoramin harsatna a tawh thin a thlen chu sawrkar laipui Forest minister leh a thawhpuiten ngaipawimawhin, he project hi bul tan chhoh a nih tak thu a sawi a. Sum ruahman hi instalment hniha lo lut tur niin, tunah cheng vaibelchhe 5 pekchhuah tawh a ni a, hnathawh pawh bul tan nghal a ni tih a sawi.
Ramsa dah lailawkna din dawn
