Daily Newspaper

Ranvir-a’n Burpee Pullup record a siam

14

Ranvir tih chuan Bollywood star rilru-ah a rawn lang nghal mai thei, mahse, hei chu Ranvir dang a ni, Ranvir Desai a ni a, kum 20, mi chauh a la ni a, Paldi khawchhuak a ni. He tlangval hian burpee pullup record a siam. Burpee pullup chu exercise lak dan hautak zet mai a ni a, pushup tih bakah pullup tih leh a ngai a, hetiang hian minute khatah vawi 25 a ti hman a, record thar a siam ta a ni.

Ranvir hi Gujarat University School of Law zirlai niin, tleirawl chhuah hlim, kum 13 vel a nih lai atanga exercise lak tuichilh tawh a ni a, “Ka pain min fuih phur thin,” a ti a, record siam tumin hma a la a, “Ka han ngaihven a, minute khata vawi 24 tiin record a siam theih tih ka hre chhuak a, record siam tumin kum hnih ka inzir a,” a ti.

Mahse, record siam tura a chet chhuah hma lawkin record thar siam an awm ta tlat mai a,, “Record siam ka tum hun kar khat vel chauh a awm tawh tihah Germany-ah record siam thar an awm a, Burpee Pullup vawi 24 an ti thei tlat mai. Chuvangin duhthlan tur dang ka nei tawh lo, vawi 25 tal tih a tul ta a. Ka ti thei ta hi ka lawm hle a ni,” a ti.

Ranvir chuan record siam tur hian kalsan a neih ve a ngai niin a sawi a, “Thil tam tak ka kalsan ve a ngai a, mahse, tih tum ka nei si a. Chini thlum leh maida ka kalsan hmak. Chuan fast food reng reng ka ei lo bawk. Ka ei leh in chu mahni in a siam vek a ni,” a ti a, tunah record siam mah se a aia sang zawk la tih leh tum niin a sawi a, “Record bu-ah ka hming a chuang tur hi ka lawm hle a, mahse, a aia nasa zawk ti thei turin hei hian min tiphur thar a ni,” a ti bawk.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy