Daily Newspaper

Rashtriya Poshan Maah khar a ni

7

Social Welfare Department hnuaia Women & Child Development Department chuan Rashtriya Poshan Maah (National Nutrition Month) 2020 a hman chu Nilaini khan kharna hun a hmang.

He hun hmanpuitu Social Welfare minister Dr K. Beichhua chuan March 2018 atanga he programme kalpui tan atanga tun dinhmun ngaihtuahin Mizoramin hma a sawn hle nia a hriat thu a sawi. Minister sawi danin, 2015-2016 a NFHS IV-a stunting (naupang than thu) za zelah 28 ni thin chu March 2020 ICDS Report-ah chuan zaa 7.53 ah a tlahniam a; NFHS IV-a underweight (an kum bi aia zang naupang) zaa 11.9 ni thin chu ICDS Report-ah zaa 1.7 ah a tlahniam a; NFHS IV-a wasting (an kum mila naupang thang tha lo) zaa 6.1 ni thin chu ICDS Report-ah zaah 0.5 ah a tlahniam a; 2019-a Mizoram Infant Mortality Rate 15 chu 2020-ah chuan 5-ah a tlahniam tawh tih a sawi bawk.

Hrileng karah department-a thawktuten an thawhpui a kaihhnawih department dangte nen thawhhona tha an nei tih sawiin, thawhonaah hian field worker-te, Anganwadi worker-te, district a thawktu zawng zawng leh department dang, a bikin Health & Family Welfare hnenah Social Welfare minister hian lawmthu a sawi a. Poshan Maah chu thla khat chauh ni mahse, National Nutrition Mission thiltum a hlawhtlin zel theih nan tha thlah loa hma la zel turin a chah.

National Nutrition Month hi kum 2018-a tan niin sawrkar laipui flagship programme pakhat a ni a. A thil tum ber chu naupangte, nu naupai mekte leh hnute hne lai fa nei mekten ei tur tha an hmuh theihna hma lak leh a tul anga anmahni eitur tha pek a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy